គួររំលឹកដែរថាកាលពីថ្មីៗនេះ ការប្រកួតបវរកញ្ញា Miss Grand International 2020 ដែលប្រារព្វធ្វើឡើងនៅក្នុងទីក្រុងបាងកក បានប្រារព្ធធ្វើឡើង ដោយមានបេក្ខនារីស្រស់ស្អាតមកពីគ្រប់ទិសទី នៃគ្រប់ប្រទេសចូលមកចូលរួមប្រកួត នាឯប្រទេសថៃ ។

និងផ្នែកមួយនៃការប្រកួតMiss Grand International ម្ចាស់ផ្ទះបានអញ្ជើញ កញ្ញាហាន់ឡាយ Miss Grand Myanmar មកសំដែងនូវការថ្លែងសុន្ទរកថាឡាយឡំដោយទឹកភ្នែកនៅលើឆាក Miss Grand International ថា ខ្ញុំសូមឲ្យមានការបញ្ឈប់សង្គ្រាមនិងអំពើហឹង្សា បន្ទាប់ពីកងទ័ពភូមាបានប្រើអំពើហឹង្សាគ្រប់រូបភាពដើម្បីបង្ក្រាបប្រជាជន។

ហាន់លីបាននិយាយថា“ ជំរាបសួរអ្នកទាំងអស់គ្នា ការឈរនៅលើឆាកថ្ងៃនេះពិតជាមានសារះសំខាន់ និងពិបាកណាស់។ ប្រជាជនមីយ៉ាន់ម៉ាចង់អោយខ្ញុំធ្វើជាតំណាងនិងនិយាយពីការឈឺចាប់ និងទុក្ខសោកដែលពួកគេត្រូវប្រឈមមុខ ពីស្ថានភាពបច្ចុប្បន្ននៅក្នុងប្រទេសមីយ៉ាន់ម៉ាជាទីស្រឡាញ់របស់ខ្ញុំ។

ខ្ញុំសូមចូលរួមរំលែកទុក្ខចំពោះអ្នកដែលបានបាត់បង់ជីវិតនៅលើដងផ្លូវក្នុងទីក្រុងនិងទីប្រជុំជននានា ។ មនុស្សគ្រប់គ្នានៅលើភពផែនដីនេះចង់អោយប្រទេសរបស់គេមានវិបុលភាពនិងសន្តិភាព។ ដូច្នេះអ្នកដឹកនាំប្រទេសនីមួយៗមិនគួរប្រើអំណាចនិងភាពសាហាវឃោ រ ឃៅ ដើម្បីផលប្រយោជន៍ផ្ទាល់ខ្លួនឯងនោះទេ។

នាងបាននិយាយថា ហេតុអ្វីបានជាប្រជាជនស្លូតត្រង់របស់ពួកគេហ៊ានប្រថុយជីវិតរបស់ពួកគេក្នុងការលះបង់មួយនេះ ?  ប្រសិនបើស្ថានភាពនេះបានកើតឡើងនៅកន្លែងផ្សេងទៀត ពិភពលោកទាំងមូលនឹងព្យាយាមស្វែងរកដំណោះស្រាយនិងផ្តល់ជំនួយ។

ថ្ងៃនេះនៅក្នុងប្រទេសមីយ៉ាន់ម៉ា ខណៈពេលដែលខ្ញុំឈរនៅលើឆាកនេះ នៅតែមានមនុស្សស្លា ប់ ជាងមួយរយនាក់។ ខ្ញុំសូមទោសចំពោះមនុស្សទាំងនេះដែលបានបាត់បង់ជីវិត។ ប្រជាជននៅក្នុងប្រទេសមីយ៉ាន់ម៉ាបានចេញមកតាមផ្លូវដើម្បីប្រយុទ្ធដើម្បីលទ្ធិប្រជាធិបតេយ្យ។ ខ្ញុំក៏ជាមនុស្សម្នាក់ក្នុងចំនោមប្រជាជនទាំងនោះដែលមានបំណងចង់ឃើញលទ្ធិប្រជាធិបតេយ្យកើតឡើងនៅក្នុងប្រទេសរបស់ខ្លួនឯងផងដែរ។

ខ្ញុំសូមអរគុណដល់ឆាក Miss Grand អន្តរជាតិ សម្រាប់ការផ្តល់ឱ្យខ្ញុំនូវឱកាសដើម្បីឡើងមកនិយាយអំពីវានៅលើឆាក ខ្ញុំ​ចង់​និយាយថា សូមជួយមីយ៉ាន់ម៉ាផង យើងពិតត្រូវការជំនួយពីសហគមន៍អន្ដរជាតិឱ្យបានលឿនបំផុត។

យើងរួមគ្នាបង្កើតពិភពលោកមួយដែលល្អប្រសើរ យើងទទួលខុសត្រូវចំពោះអនាគតរបស់មនុស្សជំនាន់ថ្មី សូមឱ្យសន្តិភាពមានដល់ពិភពលោក រួមទាំងមីយ៉ាន់ម៉ាក៏ដូចគ្នាដែរ” ទឹកភ្នែករបស់នាងហូរចេញមកក្រៅ ពិតជាក្រៀមក្រំណាស់ ដោយបានធ្វើឱ្យមានការចាប់អារម្មណ៍យ៉ាងខ្លាំងចំពោះទស្សនិកជន។

បន្ទាប់មកហាន់លីបានច្រៀងចម្រៀងរបស់ Michael Jackson ដោយបកប្រែភាសាសញ្ញា។ ដែលទទួលបានការអបអរសាទរយ៉ាងច្រើនផ្ញើការលើកទឹកចិត្តយ៉ាងខ្លាំងដល់នាង

លើសពីនេះទៀតបន្ទាប់ពីបញ្ចប់សកម្មភាពនៅដំណាក់កាលនេះ។ អ្នកយកព័ត៌មានបានសម្ភាសនាងដែលហានលីនិយាយថានាងនឹងបន្តស្នាក់នៅក្នុងប្រទេសថៃ។ រហូតដល់អាកាសយានដ្ឋានបើក ព្រោះខ្ញុំមានអារម្មណ៍ថាបើខ្ញុំត្រឡប់វិញវាមិនមានសុវត្ថិភាពទេ។

សូមទស្សនាវីដេអូៈ

សម្រួលអត្ថបទដោយ៖ SP

ប្រភព៖ Thairath