ព្រះសីហនុ៖ ឯកឧត្តម គួច ចំរើន អភិបាល ខេត្តព្រះសីហនុ បានបង្ហោះសារលើបណ្តាញសង្គមហ្វេសប៊ុកផ្ទាល់ខ្លួនរបស់លោក នៅថ្ងៃទី ១១ ខែមេសា ឆ្នាំ ២០២១ នេះថា មានលោកយាយ អាយុ ៨៨ ឆ្នាំ លោកយាយ អាយុ ៨០ឆ្នាំ ទារក អាយុ ៣ខែ និងទារក អាយុ ៨ខែ នៅទំនប់រលក បានឆ្លងជំងឺកូវីដ-១៩។
ជាក់ស្តែងនៅក្នុងគណនីហ្វេសប៊ុករបស់ឯកឧត្តម គួច ចំរើន អភិបាលខេត្តព្រះសីហនុ បានឲ្យដឹងថា "កូវីដ ពិតជាគ្មានមេត្តា គ្មានរេីសអាយុឡេីយ សូមបី ទារក អាយុ ៣ខែ ៨ខែ លោកយាយ អាយុ ៨៨ឆ្នាំ ៨០ឆ្នាំ នៅទំនប់រលក ក៍មិនលេីកលែងដែរ។ ពួកគាត់កំពុងព្យាបាលនៅមន្ទីរពេទ្យខេត្ត សូមជូនពរអោយពួកគាត់ឆាប់ជាសះស្បេីយ ។ ជម្រេីសល្អបំផុត គឺអនុវត្តន៍តាមវិធានការណ៍ ដែលបានណែនាំ ដែលបានកំណត់ ពិសេស ៣កុំ ៣ការពារ ហេីយត្រូវតែជឿថា កូវីដ នៅជុំវិញយេីងគ្រប់ពេល គ្រប់ទីកន្លែង។
ជាមួយគ្នានោះផងដែរ ក៏មានបងប្អូន មហាជន ជាច្រើន បានសម្តែងការអាណិតដល់ពួកគាត់ សូមឲ្យពួកគាត់ឆាប់ជាសះស្បើយ មានសុខភាព និងឆាប់បានត្រឡប់ទៅផ្ទះវិញផងដែរ៕