អ៊ុញនោះ ! ក្រោយឃើញហេតុការណ៍នេះ ឯកឧត្តមបណ្ឌិត ម៉ុង ឫទ្ធី ពោលពាក្យដូច្នេះថា អ្នកបេីកបរ​ទាំងឡាយ​ដែលតែងតែ​បំពាន…
ស៊ីហៀង
- 997

ពិតណាស់ជឿថាប្រិយមិត្តច្បាស់ជាបានជ្រាបហើយថាពេលនេះនៅលើបណ្តាញសង្គមកំពុងតែផ្ទុះការវែកញែកគ្នាយ៉ាងខ្លាំងអំពីករណីគ្រោះថ្នាក់ចររាចរណ៍ដែលបង្កដោយរថយន្តធន់ធំមួយគ្រឿងគៀបគ្នាជាមួយនិងរថយន្តម៉ាក ព្រូស នៅលើស្ពានមួយកន្លែង ប៉ុន្តែមិនបានបង្កគ្រោះថ្នាក់ដល់អាយុជីវិតរបស់អ្នកបើកបរនោះទេ ។

យ៉ាងណាមិញចំពោះបញ្ហាមួយនេះត្រូវបានផេកផ្លុវការរបស់ «នាយកដ្ឋានសុវត្ថិភាពចរាចរណ៍ផ្លូវគោក» លើកឡើងដូច្នេះថា៖​ យោងមាត្រា២០ ចំណុចទី៧ នៃច្បាប់ស្តីពីចរាចរណ៍ផ្លូវគោក

- នៅលើស្ពានចង្អៀតដែលបើកបរបានតែរថយន្តមួយគ្រឿង យានយន្តធុនធំ ត្រូវទុកសិទ្ធិឱ្យយានយន្តធុនស្រាលទៅមុន។ តែបើក្នុងករណីរថយន្តធុនធំបានទៅដល់លើស្ពានមុន រថយន្តធុនស្រាលត្រូវឈប់សិន រងចាំទាល់តែរថយន្តធុនធំឆ្លងផុតស្ពានមុនសិន។ បញ្ជាក់ ការផុសនេះមិនមែនរកខុសត្រូវទេ គ្រាន់តែចែករំលែកច្បាប់ចរាចរណ៍ ដល់បងប្អូនប្រជាពលរដ្ឋដែលជាអ្នកប្រើប្រាស់ផ្លូវ ។ "បើកបរដោយការប្រុងប្រយ័ត្ន យោគយល់អធ្យាស្រ័យ និងគោរពច្បាប់ចរាចរណ៍"»។

ដោយឡែកក្រោយឃើញបែបនេះលោកឯកឧត្តមបណ្ឌិត ម៉ុង ឫទ្ធី ក៏បានបញ្ចេញមតិផ្ទាល់ខ្លួនរបស់លោកទៅលើករណីមួយនេះដូច្នេះថា៖ កាលពីដេីមឡេីយមានឡានតិច​ ហេីយច្រេីនតែឡាន​តូចៗទៀតផង​ តែពេលនេះដោយសារតែស្រុកទេសរើកចំរេីន​ ឡានធំ​ក៏មានកំណេីន​ឡានតូចរឹតតែមាន​កំណេីន​ ដូចច្នេះហេីយ​យេីងមានតែខិតខំពង្រើកផ្លូវ​ស្ពាន​តាមនេះ​ដែរ​ ដូចរូបភាពដែល​ខ្ញុំតែងតែ​បាននឹង​កំពុងតែ​អនុវត្តន៍​រាល់ថ្ងៃ​នេះ​អីចឹង​ អ្នក​បេីកបរ​ទាំងឡាយ​ដែលតែងតែ​បំពាន​ទទួល​ខុសត្រូវ​ដោយ​ខ្លួនឯង​ចុះ​ ៕