បរទេស៖ កាលពីថ្ងៃទី ១៩ ខែសីហាឆ្នាំ ២០២១ គេហទំព័ររបស់អង់គ្លេស The Sun បង្ហាញពីដំណើររឿងនៃបទពិសោធន៍របស់តារាTikTok ស្រី វ័យក្មេងម្នាក់ឈ្មោះ Lauren Falkner នាងបានសំរេចចិត្តបង្កើតឃ្លីបវីដេអូមួយកំឡុងពេលនាងចាក់ Filter បញ្ចូលបបូរមាត់។ ត្រូវបានចែកចាយនៅលើបណ្តាញសង្គមប៉ុន្តែលទ្ធផលបានធ្វើឱ្យនាងភ្ញាក់ផ្អើលយ៉ាងខ្លាំង។

នាង Lauren បានចាប់ផ្ដើមថតវីដេអូរបស់នាងតាំងពីមុនដំណើរការចាក់ដើម្បីឲ្យអ្នកគាំទ្របានចូលទស្សនា បន្ទាប់មកនាងបង្ហាញក្នុងការដែលបុគ្គលិកគ្លីនិកបានលាបក្រែមថ្នាំស្ពឹកទៅលើបបូរមាត់របស់នាង មុនពេលចាក់អង់ស៊ីម hyaluronidase បំពេញនៅក្នុងមាត់របស់នាង។

ប៉ុន្តែបន្ទាប់ពីប្រហែល ២ នាទីនាងមានអារម្មណ៍ប្លែកដូចជាចង់សន្លប់ ដោយមានកន្ទួលក្រហមនៅលើលើរាងកាយហើយបន្ទាប់មកចាប់ផ្តើមញាក់ ដោយបុគ្គលិកគ្លីនិកបានជូនដំណឹងជាបន្ទាន់ទៅផ្នែកសង្គ្រោះបន្ទាន់ដើម្បីជួយជាបន្ទាន់។

បន្ទាប់ពីប្រើថ្នាំហើយវាមានសុវត្ថិភាពនាង Lauren បានចែករំលែករូបថតថ្មីរបស់នាង បង្ហាញពីការផ្លាស់ប្តូរគួរឱ្យភ្ញាក់ផ្អើលដោយបបូរមាត់ហើមទៅផ្ទៃមុខរបស់គាត់ដូចជាគាត់បានក្លាយជាមនុស្សផ្សេងទៀតអញ្ចឹង។

ស្ថានភាពរបស់នាងដែលត្រូវបានគេស្គាល់ថាជា អាណាហ្វីឡាក់ទិច គឺជាប្រតិកម្មអាឡែស៊ីធ្ងន់ធ្ងរ។ ទោះយ៉ាងណានាងបានបង្ហាញថាកន្លងមកនាងបានចាក់ថ្នាំបំពេញបបូរមាត់នៅគ្លីនិកមួយនេះមិនដែលមានផលប៉ះពាល់ឬប្រតិកម្មអាលែហ្សីនោះឡើយ។

បន្ទាប់ពីវីដេអូឃ្លីបរបស់នាងត្រូវបានបង្ហោះតែមួយថ្ងៃទទួលបានការមើលជាង ១.៣ លានដងដោយបញ្ចេញមតិថាវាគួរឱ្យខ្លាច។ នាងក៏បានសម្តែងការព្រួយបារម្ភអំពីប្រតិកម្មអាលែហ្សីផងដែរចំពោះបបូរមាត់របស់ខ្លួន។ ទោះយ៉ាងណាក៏ដោយការហើមរបស់នាងបានធូរស្រាលបន្តិចម្តង ៗ បន្ទាប់ពីពេលនោះមក៕

សម្រួលអត្ថបទដោយ៖ 宋麒安

ប្រភព៖kapook