ភ្នំពេញ ៖ ជឿជាក់ថាមានប្រិយមិត្តជាច្រើនពិតជាបានដឹងពីសមត្ថភាពរបស់តារាចម្រៀង កញ្ញា ផន ស្រីខួច រួចមកហើយថានាងគឺជាតារាចម្រៀងស្រីមួយរូបដែលមានសម្លេងពីធម្មជាតិ ពិរោះផ្អែមស្រទន់និងមានទឹកដមខ្លាំងណាស់នៅពេលដែលនាងច្រៀងម្តងៗធ្វើឲ្យអ្នកស្តាប់នាំគ្នាស្លុងអារម្មណ៍តាមអស់ហើយ រីឯចំណុចពិសេសមួយទៀតនោះ ស្រីខួច អាចច្រៀងបានគ្រប់ទ្រង់ទាំងបុរាណនិងសម័យ ។
ដោយឡែកមិនត្រឹមតែជាតារាចម្រៀងស្រីមួយរូបដែលច្រៀងពិរោះតែម្យ៉ាងនោះទេ កញ្ញា ផន ស្រីខួច ក៏ជាតារាចម្រៀងស្រីម្នាក់ដែលមានមន្តស្នេហ៍ផងដែរ សម្រស់របស់នាងគឺស្អាតខ្លាំងជាពិសេសនៅពេលតែងខ្លួនម្តងៗមើលទៅស្រស់ស្អាតនិងលេចធ្លោគួរឲ្យស្រឡាញ់មែនទែន ។
ជាក់ស្តែងនៅកាលពីពេលថ្មីៗនេះដែរ ផន ស្រីខួច បានបង្ហោះរូបថតជាច្រើនសន្លឹកចេញពីប្រទេសថៃ ដែលបានតែងខ្លួនយ៉ាង សុិចសុី ថតរូបភាពបង្អួតសម្រស់របស់នាងពីលើសណ្ឋាគារអមជាមួយនិងទេសភាព ឆ្នេរសមុទ្រដ៏ស្រស់ត្រកាលផងដែរនោះធ្វើមើលទៅ ផន ស្រីខួច ស្រស់ស្អាតខ្លាំងនិងគួរឲ្យទាក់ទាញណាស់ ៕
ដើម្បីចង់ជ្រាបកាន់តែច្បាស់សូមទស្សនារូបភាពខាងក្រោម ៖
