ថៃ ៖ ថ្មីៗនេះមានការភ្ញាក់ផ្អើលយ៉ាងខ្លាំងក្រោយតារាសម្ដែងស្រីថៃ Pinky Savika និងម្ដាយ រួមទាំងមនុស្សចំនួន១៩នាក់ផ្សេងទៀត ត្រូវបានឃុំខ្លួននៅពន្ធនាគារ ។
នៅថ្ងៃទី ១៨ ខែសីហា ឆ្នាំ ២០២២ នេះ កំពូលតារាសម្ដែងស្រីជួរមុខ នាង Pinky Savikah រួមទាំងបងប្រុស និង ម្ដាយ ត្រូវបានសមត្ថកិច្ចធ្វើការឃាត់ខ្លួនបញ្ជូនទៅពន្ធនាគារ ពីបទឆបោកលុយតាមរយៈបណ្ដាញសង្គម។ តាមការរាយការណ៍ពីសំណាក់សារព័ត៌មានក្នុងស្រុកថៃបានឱ្យដឹងថា តុលាសម្រេចចិត្តមិនឱ្យតារាស្រី Pinky និង ក្រុមគ្រួសារធានាខ្លួននៅក្រៅឃុំឡើយ ដោយហេតុថាទម្ងន់នៃទោសមានកម្រិតធ្ងន់ពេក ដោយមានជនរងគ្រោះជាង ៩៨២៤ នាក់ សរុបជាទឹកប្រាក់ចំនួន ២៤៨៩៨២០៣២១.៥២ បាត ។
ជាមួយគ្នានេះដែរ ការចោទប្រកាន់លើម្ដាយកូនទាំងពីរនេះ រួមជាមួយមនុស្ស១៩នាក់ផ្សេងទៀត គឺទាក់ទងនឹងការវិនិយោគឆបោកមួយប្រភេទ ជាការឆបោកទម្រង់ Ponzi ដោយឃោសនាថាអ្នកវិនិយោគនឹងអាចទទួលបានផលតបស្នងរហូតដល់ ៨០%។ មនុស្សប្រមាណ ១៤០០០នាក់ ត្រូវបានអូសទាញចូលទៅក្នុងការបោកប្រាស់នេះ ដោយសរុបទឹកប្រាក់គឺប្រមាណ ១,៩ពាន់លានបាត ស្មើនឹងប្រមាណ ៥៣លានដុល្លារអាមេរិក។
នាយកដ្ឋានស៊ើបអង្កេតពិសេសរបស់ថៃ បានរឹបអូសទ្រព្យសម្បត្តិប្រមាណ ៦លានដុល្លារ បានពីក្រុមហ៊ុនបណ្ដាក់ទុនឆបោកនេះ និងបានប្រគល់ជូនការិយាល័យប្រឆាំងនឹងការលាងលុយកខ្វក់ មុនទ្រព្យសម្បត្តិនេះត្រូវប្រគល់ជូនជនរងគ្រោះក្នុងការឆបោក ៕
.jpg?1711517593)
