សម្តីផ្អែមណាស់លោកឧកញ៉ា ព្រាប សុវត្ថិ ! កូនៗធំពេញកំលោះអស់ហើយ លោកឧកញ៉ា ព្រាប សុវត្ថិ នៅតែប្រើពាក្យសម្តីឡើងផ្អែម ទៅកាន់ភរិយា ដូចប្តីប្រពន្ធទើបរៀបការហើយថ្មីថ្មោង

មកទល់ពេលនេះ លោកឧកញ៉ា ព្រាប សុវត្ថិ ដែលគ្រប់គ្នាតែងតែស្ងប់ស្ងែងពីទឹកដមសំលេងដ៏ពីរោះរបស់លោក ពិសេសនោះគឺ ជីវិតគ្រួសាររបស់លោក ពិតជាមានក្តីសុខ សុភមង្គល ពោរពេញទៅដោយស្នាមញញឹម នេះក៏ព្រោះតែមានភរិយា ល្អ និងកូនៗដែលប្រកបទៅដោយក្រមសីលធម៌ល្អ ហើយថែមទាំងស្រស់សង្ហាថែមទៀតផង។

ទោះបីជារៀបការរស់នៅជាមួយគ្នាជាច្រើន ហើយក្តី ព្រមទាំងទទួលបានចំណងដៃកូនប្រុស ដល់ទៅបីនាក់ តែលោកឧកញ៉ាព្រាប សុវត្ថិ តែងតែប្រើពាក្យសម្តីយ៉ាងផ្អែមពិរោះ ទៅកាន់ភរិយា និងកូនៗ ដូចគូស្នេហ៍ថ្មីថ្មោង ទើបនឹងរៀបការជាមួយគ្នាអញ្ចឹង។

ជាក់ស្តែងកាលពីថ្ងៃម្សិលមិញនេះ តារាចម្រៀងដែលទទួលបានងារជាឧកញ៉ារូបនេះ បានបង្ហោះសារយ៉ាងផ្អែមល្ហែមទៅកាន់ភរិយាថា "អរគុណបងប្អូនសម្រាប់ការស្រលាញ់ចូលចិត្តក្រុមគ្រួសារខ្ញុំ ក្តីស្រលាញ់របស់បងមានចំពោះអូននៅតែស្រស់បំព្រងក្រហមឆ្អិនឆ្អៅជារៀងរហូត កូនបីកំលោះអស់ហើយមើលទៅអូននៅតែស្រស់ក្មេងដដែរ (ស្រលាញ់អូនពេញបេះដូង)"។