ភ្នំពេញ៖ ក្រោយឃើញតារាចម្រៀង លោក ប៊ុត សីហា មិនកែខ្លួន បើទោះទទួលបានការជ្រោមជ្រែងនិងផ្តល់ ឱកាសជាច្រើននាពេលកន្លងមកបានធ្វើឱ្យអតីតម្ចាស់ពាន Cambodia Got Talent យឿន ពិសី បង្ហាញពីអារម្មណ៍ដោយប្រៀបធៀបជាមួយតារាចម្រៀង ប៊ុត សីហា ថាខ្លួនរត់រកឱកាសតែមិនទាន់ទទួលបានជោគជ័យខុសពី ប៊ុត សីហា មានឱកាស ច្រើន។
![](/wp-content/uploads/2023/9/15/media/large/276707/photo_2023-09-14_12-33-38.jpg?1694753967)
សូមរលឹកថា យឿន ពិសី ជាបេក្ខជនដែលជាប់លេខ១ នៅក្នុងកម្មវិធីលំដាប់ពិភពលោក Cambodia Got Talent រដូវកាលទីមួយ។ ក្រោយពីប្រលងជាប់ បណ្តាមហាជន សង្កេតឃើញថាយឿន ពិសី ហាក់មិនសូវមានសកម្មភាពសិល្បៈទូលំទូលាយ និងទទួលបានការគាំទ្រដូចតារាដទៃឡើយ ។ ប៉ុន្តែយ៉ាងណា យឿន ពិសី នៅតែបន្តខិតខំនៅក្នុងអាជីពមួយនេះតាមរយៈការចេញបទចម្រៀងថ្មីៗផ្ទាល់ខ្លួនជាហូរហែរ ។
![](/wp-content/uploads/2023/9/15/media/large/276708/photo_2023-09-14_12-33-35.jpg?1694753978)
តាមប្រភពគណនីរបស់ យឿន ពិសី បានសរសេរលើកឡើងដូច្ចេះថា៖ «តាមពិតទៅឱកាសរបស់បងមានច្រើនណាស់ខុសពីខ្ញុំ ដែលរាល់ថ្ងៃខំប្រឹងរត់រកឱកាសមិនឈប់ទេបងខំប្រឹងរត់រកឱកាសផងខំប្រឹងបង្កើតឱកាសសម្រាប់ខ្លួនឯងផងប៉ុន្តែនៅតែមិនទាន់បានជោគជ័យក្នុងជីវិតនៅឡើយទេបងខ្ញុំពិតជាសោកស្ដាយជំនួសបងណាស់ខ្ញុំសង្ឃឹមថាកំហុសលើកនេះវាគឺជាកំហុសចុងក្រោយរបស់បងទៅចុះបង»។
![](/wp-content/uploads/2023/9/15/media/large/276709/90.jpg?1694753987)
![](/wp-content/uploads/2023/9/15/media/large/276710/1.png?1694754000)
ក្រោយការលើកឡើងរបស់ យឿន ពិសី បានធ្វើឱ្យអ្នកគាំទ្រលោកមានការលើកកម្លាំងចិត្តនឹងជូនពរឱ្យលោកបានទទួលជោគជ័យនៅក្នុងអាជីពសិល្បៈ ។ អ្វីដែលកត់សម្គាល់ទោះមិនមានកាយសម្បទាគ្រប់គ្រាន់ តែ យឿន ពិសី ក៏មានសំណាងមានគ្រួសារដែលមានសុភមង្គលដោយសព្វថ្ងៃលោកកំពុងរស់នៅយ៉ាងមានក្តីសុខជាមួយភរិយានិងកូនប្រុសស្រីចំនួនពីរនាក់ ៕