ខេត្តកែប ៖ កម្លាំងសមត្ថកិច្ច ស្រុកដំណាក់ចង្អើរ ដឹកនាំដោយលោក ឆាយ ឆៃ អភិបាលស្រុក ចុះត្រួតពិនិត្យបន្ថែមទៅលើម្ចាស់សំណង់ដែលប្រើកម្មករវាយកម្ទេចសំណង់របងបេតុងរំលោភយកដីសមុទ្រ នៅចំណុចភូមិអង្កោល ឃុំអង្កោល ស្រុកដំណាក់ចង្អើរ កាលពីវេលាម៉ោង២និង៣០នាទីរសៀល ថ្ងៃទី១៥ ខែកញ្ញា ឆ្នាំ២០២៣។
ប្រភពពី លោក ឆាយ ឆៃ អភិបាលស្រុកដំណាក់ចង្អើរ បានមានប្រសាសន៍ឱ្យដឹងថា ការចុះមកត្រួតពិនិត្យបន្ថែមតាមកិច្ចសន្យា ដោយឱ្យម្ចាស់សំណង់ដែលធ្វើរបងបេតុងរំលោភយកដីសមុទ្រនោះ ឱ្យវាយកម្ទេចចោលដោយខ្លួននៅរសៀលថ្ងៃទី១៥ ខែកញ្ញា ឆ្នាំ២០២៣នេះ។
![](/wp-content/uploads/2023/9/18/media/large/276725/72b32a1f754ba1c09b3695e0cb6cde7f-13.jpg?1695005773)
![](/wp-content/uploads/2023/9/18/media/large/276726/2838023a778dfaecdc212708f721b788-12.jpg?1695005782)
លោក ឆាយ ឆៃ បន្តទៀតថា ទាំងកងកម្លាំង និងមន្ត្រីរាជការ សុទ្ធតែចុះមកពិនិត្យដល់ទីតាំងដូចគ្នា ដើម្បីកុំឱ្យមានការផ្សាយខុសពីការពិត។ លោកអភិបាលស្រុកដំណាក់ចង្អើរ និយាយបន្តថា ការសាងសង់របងបេតុងយកដីសមុទ្រនេះ គឺមានប្រវែង១២ម៉ែត្រ ហើយម្ចាស់សំណង់នោះក៏យល់ព្រមរុះរើដោយខ្លួនឯង គ្រាន់តែអាជ្ញាធរចុះមកពិនិត្យមើលបន្ថែមតែប៉ុណ្ណោះ។
![](/wp-content/uploads/2023/9/18/media/large/276727/642e92efb79421734881b53e1e1b18b6-13.jpg?1695005790)
![](/wp-content/uploads/2023/9/18/media/large/276728/f457c545a9ded88f18ecee47145a72c0-13.jpg?1695005797)
លោក ឆាយ ឆៃ បានបន្ថែមទៀតថា ក្នុងនាមជាអាជ្ញាធរស្រុក មិនអនុញ្ញាតឱ្យបុគ្គលណាម្នាក់សាងសង់របង ឬចាក់ដីរំលោ.ភយកសមុទ្រទៀតទេ ចាប់ពីពេលនេះទៅ ព្រោះទីតាំងដីមួយកន្លែងនេះ អាជ្ញាធរបានហាមឃាត់ហើយ ប៉ុន្តែម្ចាស់សំណង់នៅប្រព្រឹត្តដដែល។