ភ្នំពេញ៖ ជាការកត់សម្គាល់ នៅរយៈពេលមិនដល់ពីរឆ្នាំចុងក្រោយនេះ គោរមងារ «ឧកញ៉ា» ត្រូវបានបំផ្លិចបំផ្លាញ ជាហូរហែរ ដែលមានច្រើនសណ្ឋាន ដូចជា៖ ករណីឧកញ៉ាឆកបោក ឧកញ៉ាលក់ដីខ្យល់ ហើយថ្មីៗនេះ មានទាំង ឧកញ៉ា ចិត្តឆៅ ដកកាំភ្លើងបាញ់ប្រហារសម្លាប់មនុស្សយ៉ាងព្រៃផ្សៃ។
![](/wp-content/uploads/2024/7/9/media/large/278651/kn53454334_(8).jpg?1720496024)
គិតត្រឹមឆ្នាំ២០២៣-២០២៤នេះ បុគ្គលដែលដើរបំផ្លិចបំផ្លាញ គោរមងារ «ឧកញ៉ា» រួមមាន៖
១/ អតីតឧកញ៉ា ហ៊ី គីមហុង អគ្គនាយកក្រុមហ៊ុន ពិភពដីមាស ត្រូវបានចាប់ខ្លួនកាលពីខែមេសា ឆ្នាំ២០២៣ នៅចំណុចការិយាល័យរបស់ក្រុមហ៊ុន ពិភពដីមាស ស្ថិតក្នុងភូមិត្រពាំងថ្លាន់ សង្កាត់ពន្សាំង ខណ្ឌព្រែកភ្នៅ រាជធានីភ្នំពេញ ពាក់ព័ន្ធករណីបទឆបោក។
![](/wp-content/uploads/2024/7/9/media/large/278652/kn53454334_(2).jpg?1720496034)
![](/wp-content/uploads/2024/7/9/media/large/278653/kn53454334_(4).jpg?1720496034)
![](/wp-content/uploads/2024/7/9/media/large/278654/kn53454334_(7).jpg?1720496040)
២/ អតីតឧកញ៉ា ជា សារ៉ន អគ្គនាយកក្រុមហ៊ុន ជា សារ៉ន គ្រុប ត្រូវបានឃុំខ្លួន នៅក្នុងឆ្នាំ២០២៣ ពាក់ព័ន្ធករណីឆរបោក ប្រជាពលរដ្ឋ ក្រោមរូបភាពវិនិយោគដីឡូតិ៍ នៅលើទឹកដីនៃខេត្តកំពត។
![](/wp-content/uploads/2024/7/9/media/large/278655/kn53454334_(5).jpg?1720496052)
![](/wp-content/uploads/2024/7/9/media/large/278656/kn53454334_(6).jpg?1720496052)
៣/ អតីតឧកញ៉ា ឡេង ចាន់ណា ប្រធានក្រុមហ៊ុន «ប្រ៊ីនលាន ស៊ីធីវើល» ត្រូវបានឃុំខ្លួន នៅក្នុងឆ្នាំ២០២៤នេះ ពាក់ព័ន្ធករណីឆបោកលុយ ប្រជាពលរដ្ឋរាប់លានដុល្លារ នៅខេត្តសៀមរាប។
![](/wp-content/uploads/2024/7/9/media/large/278658/kn53454334_(1).jpg?1720496060)
![](/wp-content/uploads/2024/7/9/media/large/278657/kn53454334_(3).jpg?1720496060)
ក្រៅពីអតីតឧកញ៉ាទាំងបីខាងលើ គេនៅសង្កេតឃើញបុគ្គលដែល គោរមងារ «ឧកញ៉ា» មួយចំនួនផ្សេងទៀត ដើរប្រព្រឹត្តអំពើ មិនគប្បីជាច្រើនទៀតផងដែរ ជាក់ស្ដែងកាលពីរសៀលថ្ងៃទី១៧ ខែមិថុនា ឆ្នាំ២០២៤ ឧកញ៉ា ចិត្តឆៅ ដែលគេស្គាល់ឈ្មោះថា ស្រី ស៊ីណា បានដកកាំភ្លើងបាញ់ប្រហារមនុស្ស បណ្ដាលឱ្យស្លាប់បាត់បង់ជីវិត ពីរនាក់ ទាំងដែលជិតដល់ថ្ងៃចូលរោងការថែមទៀតផង។
![](/wp-content/uploads/2024/7/9/media/large/278659/kn53454334_(1).jpeg?1720496070)
![](/wp-content/uploads/2024/7/9/media/large/278660/kn53454334_(1).png?1720496071)
ជុំវិញករណីបាញ់ប្រហារបណ្ដាលឱ្យមនុស្សស្លាប់នេះ លោក សយ សុភាព ក្នុងនាមជាពលរដ្ឋខ្មែរម្នាក់ បានបញ្ចេញជាមតិថា «ឧកញ៉ាថោក ចរិតតិរិច្ឆាន អ្នកឯងជាតិមុន ប្រហែលនៅឋាននរក ហើយលួចសុំ យមបាល មកចាប់ជាតិ ដើម្បីដើរបាញ់សម្លាប់ មនុស្សស្លូតត្រង់»៕