អាចារ្យធំ ដែលត្រូវបានមហាជនជាច្រើនស្គាល់រូបលោកថា ជាសិល្បករម្នាក់ដែលស្រឡាញ់ជាតិ និងថែរក្សាវប្បធម៌ខ្មែរ ហើយលោកបានខិតខំប្រឹងប្រែងធ្វើរឿងជាច្រើនដើម្បីឱ្យបងប្អូនងាកមកចូលរួមថែរក្សាកេរដំណែលពីដូនតាបន្សល់ទុកឱ្យទៀតផង។

យ៉ាងណាមិញថ្មីៗនេះលោក អាចារ្យធំ បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំងបន្ទាប់ពីលោកបានបង្ហោះរូបភាពជាមួយនិង លោកឧកញ៉ា ខេមរៈ សិរីមន្ត រួចពោលពាក្យដូច្នេះថា ៖« ដកខ្លួនជាង​ ១​ទស្សវត្សរ៍​ ពីវិស័យ​សិល្បៈ​ ថ្ងៃនេះ​ខ្ញុំមាន​សេចក្ដី​សោមនស្ស​និង​កិត្តិយស​ បានចូលរួម​សម្ដែងបទ​ចម្រៀងMV​ ជាមួយ​ លោក​ឧកញ៉ា​ ខេមរៈ​ សិរីមន្ត​ ក្នុងទម្រង់​បែបវប្បធម៌​ ប្រពៃណីខ្មែរ​ និងពិតជា​មាន​មោទកភាព​ក្រៃលែង​ ចំពោះ​អត្ថន័យ​នៃ​បទចម្រៀងមួយនេះ​ និង​ការដឹកនាំផលិតដែលរំលេចនូវ​ មរតក​ អត្តសញ្ញាណ​ វប្បធម៌​ដ៏ល្អផូរផង់​យ៉ាងសម្បូរបែបរបស់ខ្មែរយេីង​ ក្នុងចេតនារួមគឺចង់ផ្សព្វផ្សាយឲ្យបាន​ល្បីរន្ទឺសុះសាយទៅកាន់​ឆាក​អន្តជាតិ​ ហេីយជាពិសេស​មានការចូលរួមសម្ដែង​ពីសំណាក់​អ្នកសិល្បៈ​ បរទេសជាច្រេីនរូបទៀត។ 🇰🇭❤️️🇰🇭​ សុំលាក់ចំណងជេីងសិន​បងប្អូន​ ចេញឆាប់ៗនេះហេីយទាន🙏» ។

គួរបញ្ជាក់ផងដែរថាលោក អាចារ្យធំ គឺជាសិល្បករម្នាក់ដែលតែងតែចេញមុខមកធ្វើការរិះគន់ចំៗ ចំពោះបុគ្គលណាដែលធ្វើអោយប៉ះពាល់ដល់ វប្បធម៌ខ្មែរ និងតម្លៃរបស់ប្រទេសជាតិ ៕