( ដំណឹងបឋម )៖ នេះជាដំណឹងដ៏គួរឲ្យរន្ធត់ចិត្តមួយបន្ទាប់ពីមាននារីវ័យក្មេងម្នាក់ឈ្មោះ តី អាយុជាង២០ឆ្នាំ បានធ្លាក់ពីលេីអគារខុនដូរ KS Residence យ៉ាងរន្ធត់បង្ករអោយមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋដែលស្ថិតនៅលើផ្លូវ១០១ សង្កាត់បឹងត្របែក ខណ្ឌចំការមន រាជធានីភ្នំពេញ នៅវេលាម៉ោង១១:៣៥នាទីយប់ ថ្ងៃទី១៦ ខែឧសភា ឆ្នាំ២០២៥នេះ ។
យ៉ាងណាមិញនារីដែលបាត់បង់ជីវិតខាងលើត្រូវបានគេស្គាល់ថាឈ្មោះ តី នាងគឺជាអ្នកបកប្រែនិងមានសង្សារជាជនជាតិចិន ហើយចំពោះការធ្លាក់ពីលើអគារខុនដូរយ៉ាងរន្ធត់មួយនេះគឺនៅមិនទាន់ដឹងពីមូលហេតុនោះទេថាធ្លាក់ដោយសារអ្វី ដូច្នេះគឺមានតែរងចាំការសើបអង្គេតពីសំណាក់កម្លាំងសមត្ថកិច្ចតែប៉ុណ្ណោះ ។
ជាមួយគ្នានេះដែរក្រោយទទួលបានដំណឹងមួយនេះធ្វើឲ្យមហាជនអ្នកប្រើប្រាស់បណ្តាញសង្គមហ្វេសប៊ុកជាច្រើនបានសម្តែងការសោកស្តាយជំនួសក្រុមគ្រួសារនៃសពជាខ្លាំងព្រោះថាមកត្រូវបាត់បង់ជីវិតកូនស្រីទាំងវ័យក្មេងបែបនេះ សួរថាតើឪពុកម្តាយណាអាចទទួលយកបានទៅ យ៉ាងណាក៏សូមចូលរួមរំលែកទុក្ខទៅដល់ក្រុមគ្រួសារនៃសពផង ៕
