ស្វាយរៀង៖ រថយន្តមួយគ្រឿង បានបើកយ៉ាងលឿនទៅបុកនឹងម៉ូតូមួយគ្រឿង នៅមិនអស់ចិត្តបានបន្តទៅបុកសំយ៉ាបផ្ទះប្រជាពលរដ្ឋឡើងខ្ទេច ដែលនៅក្នុងហេតុការណ៍នេះ បានបណ្តាលអោយមានមនុស្សចំនួន២នាក់រងរបួសធ្ងន់ ដែលគ្រោះថ្នាក់ចរាចរណ៍នេះបានកើតឡើង កាលពី​វេលា​ម៉ោង៩និង៥០ នាទី ព្រឹក​ថ្ងៃទី១៨ ខែមេសា​ឆ្នាំ២០១៨ នេះ​នៅ ជិត ផ្លូវ​ចូល​វត្ត ព្រៃអង្គ​ក្នុងភូមិ ថ្នល់កែង ឃុំ​កណ្តៀង​រាយ ស្រុក​ស្វាយទាប ខេត្តស្វាយរៀង ។

បើតាមការអោយដឹងពីប្រជាពលរដ្ឋដែលនៅទីកន្លែងនោះបានប្រាប់ថា រថយន្តម៉ាក ហ៊ីយ៉ាន់ដាយ មួយគ្រឿង ពាក់ស្លាកលេខ កំពង់ឆ្នាំង 3A-0517 បើកបរក្នុងទិសដៅពីបញ្ច្រាស់ទិសគ្នា ជាមួយម៉ូតូ ស្រាប់តែដល់កន្លែងកើតហេតុ រថយន្តក៏បានរ៉េចង្កូតទៅបុកជាមួយនិងម៉ូតូយ៉ាងពេញទំហឹង​ បណ្តាលអោយម្ចាស់ម៉ូតូដួលបោកក្បាលទៅនឹងថ្នល់ រងរបួសយ៉ាងធ្ងន់ធ្ងរ រួចបន្តទៅបុកជាមួយនឹងសំយ៉ាបផ្ទះគេធ្វើអោយម្ចាស់ផ្ទះស្ទុះរត់យ៉ាងលឿន។ ក្រោយ​កើតហេតុភ្លាមៗ អ្នកបើកបរ​រថយន្ត បានដាក់​មេ​ប្រូច​បាត់​សល់​តែ​រថយន្ត រីឯ​ជនរងគ្រោះ ពីរ​នាក់​ប្តី ប្រពន្ធ​ត្រូវបាន​រថយន្ត​សាមុយ ដឹក​ទៅ​ជួយសង្គ្រោះ​បន្ទាន់​ផងដែរ ។ បច្ចុប្បន្ន រថយន្ត និង ម៉ូតូ ត្រូវបាន​សមត្ថកិច្ច​ស្រុក​ស្វាយទាប​យកទៅ​រក្សាទុក ដើម្បី​ដោះ ស្រាយ​គ្នា​តាមផ្លូវ​ច្បាប់ ៕ ដោយ៖ វិសុទ្ធ