អូយខ្លាំងមែន ផឹកមួយថ្ងៃពីទៅបីកែវ តែចុងក្រោយមិននឹកស្មានថា...កាហ្វេផលិតពីប្រទេស វៀតណាម ពិតជាធ្វើអោយអ្នកចូលញុាំកាហ្វេ ឆ្អែតលែងចង់ញុាំ តទៅទៀត...

ទីតាំងផលិតកាហ្វេលក្ខណៈគ្រួសារមួយកន្លែង នៅក្នុងខេត្ត Dak Nong ប្រទេសវៀតណាម ត្រូវបានរកឃើញថា បានផលិតកាហ្វេពីវត្ថុធាតុដើមដែលបង្កគ្រោះថ្នាក់ខ្លាំង ដែលមានដូចជាម្សៅខ្មៅរបស់ថ្មពិលជាដើម។

កន្លែងផលិតកាហ្វេនោះ ជាកម្មសិទ្ធិរបស់ឈ្មោះ Nguyen Thi Loan។ ក្រុមប៉ូលិសវៀតណាម បានឆ្មក់ចូលចាប់ កាលពីរសៀលថ្ងៃចន្ទកន្លងទៅ បន្ទាប់ពីទទួលបានសេចក្ដីរាយការណ៍ពីអ្នកស្រុក អំពីសកម្មភាពគួរឲ្យសង្ស័យរបស់កន្លែងផលិតកាហ្វេនោះ។

ក្រោយឆ្មក់ចូលចាប់ អាជ្ញាធរបានរកឃើញ កាហ្វេផលិតរួចជាច្រើនតោន ក៏ដូចជាវត្ថុធាតុដើមដែលប្រើក្នុងការផលិត រួមមាន ម្សៅខ្មៅ ៣៥ គីឡូក្រាម ដែលយកពីថ្មពិល (ប្រភេទ D Battery) និងធុងទឹកខ្មៅ ទម្ងន់ប្រហែល ១០ គីឡូក្រាម ផងដែរ។

អ្នកស្រី Loan បានប្រាប់ថា ខ្លួនបានទិញគ្រាប់កាហ្វេគុណភាពអន់ ពីកន្លែងផលិតកាហ្វេធំៗ ក្នុងតម្លៃថោក រួចលាយជាមួយវត្ថុធាតុដើមផ្សេងទៀត ដូចជា ធូលីដី និងម្សៅថ្មពិល។

អ្នកស្រី Loan បានឆ្លើយសារភាពថា ខ្លួនបានបើកដំណើរទីតាំងផលិតកាហ្វេខាងលើ អស់រយៈពេលជាច្រើនឆ្នាំមកហើយ និងបានលក់កាហ្វេនោះ អស់ជាង ៣ តោនរួចមកហើយ បើគិតចាប់តាំងពីដើមឆ្នាំ ២០១៨ មក៕