ភរិយាមកពីធ្វើការមុនម៉ោង ស្រាប់តែបានឃើញស្វាម៉ីគេងប្លែកៗនៅលើគ្រែ ទាញមកមើលទើបស្រែកឡូឡា….
ណារ៉ា
- 1006

ក្នុងសង្គមគ្រួសារនីមួយៗតែងតែមានបញ្ហាខុសៗគ្នា តែដែលសំខានយើងត្រូវតែយល់គ្នា និងត្រូវចេះកែចិត្តគំនិត ឬធ្វើអ្វីម្យ៉ាងអោយគ្រួសារជាទីស្រលាញ់របស់យើងក្លាយជាគ្រួសារមានសុភមង្គល។នេះគឺជារឿងដែលជឿជាក់ថាក្នុងគ្រួសារនីមួយៗ គងតែបានជួបប្រទះ ឬក៏ក្នុងចិត្តភាគីខាងប្រីឬប្រពន្ធក៏ធ្លាបគិតតូចចិត្ត ក្រោយពីអានសាច់រឿងចប់សូមគិតសារជាថ្មី៖

ប្ដីប្រពន្ធមួយគូរដែលទើបតែរៀបការថ្មីៗ ដោយសារក្រុមហ៊ុនតែបុរសជាប្ដីត្រូវមានបញ្ហាគាត់ក៏ត្រូវធ្លាក់ខ្លួនក្លាយជាមនុស្សដែលគ្មានការងារធ្វើត្រូវនៅផ្ទះដោយប្រពន្ធជាអ្នកដែលធ្វើការរកប្រាក់។ប្រពន្ធគាត់គឺជានារីដែលមានរូបរាងស្អាត មុនពេលដែលរៀបការនាងគិតថាស្វាមីនាងជាអ្នកដែលមានមុខមាត់ នាងនឹងអាចរស់នៅមានក្ដីសុខ តែមិននឹកស្មានថាសុបិន្តរបស់នាងត្រូវវាផ្ទុយស្រលះទៅវិញ។
នាងក៏ចាប់ផ្ដើមមានអាកប្បកិរិយាមួយចំនួនមើលស្រាលប្ដីខ្លួនឯង តែនាងមិនបានបោះបង់គេទេ គ្រាន់តែរស់នៅដោយមិនសប្បាយចិត្តតែយ៉ាងណានាងមិនបានបាត់ចិត្តដែលស្រលាញ់ទេ។ល្ងាចថ្ងៃមួយប្ដីបានធ្វើម្ហូបជាពិសេសអោយប្រពន្ធ ពេលដែលនាងញ៉ាំរួចគាត់ក៏និយាយថា «ថ្ងៃនេះអូនមិនបាច់លាងចានទេ បងជាអ្នកលាង»នាងសំលឹងមុខប្ដី ប្ដីក៏ចង្អុលប្រតិទិន នាងក៏យល់ ព្រោះថាក្នុងមួយខែត្រូវមានមួយថ្ងៃដែលប្ដីត្រូវមើលថែនាងជាពិសេស។
នៅយប់នោះស្វាមីលាងចានម្នាក់ឯងនៅក្នុងផ្ទះបាយ នៅជាន់ក្រោមហើយមើលទៅគាត់កណ្ដោចកណ្ដែងគួរអោយអាណិត និងឈឺចាប់ណាស់។ចំណែកឯនាងជាប្រពន្ធគេងមើលទូរទស្សន៍នៅលើគ្រែ ហើយក៏លង់លក់ទៅ ។ពេលដែលភ្ញាក់ឡើងកណ្ដាលអាធ្រាត្រ នាងបានឃើញស្រមោលនៅលើសាឡុងនៅបន្ទប់ទទួលភ្ញៀវពន្លឺទូរទស្សន៍ចាំងចំសក់ស្វាមីរបស់នាង នាងក៏សួរថា«ម៉េចបងនៅមិនទាន់គេង?» គេស្ងៀមមួយសន្ទុះក៏និយាយថា «បងសុំទោស ខ្ញុំចង់អោយជីវិតយើងសំបូរបែបជាងនេះ តែពេលនេះបងសុំទោស….»
នាងក៏តបខ្លីៗថា «គ្មានអានាគត..!»នាងក៏បែរទៅជញ្ជាំង បើកភ្នែកតិចៗមើលរូបរៀបការរបស់នាង ក្នុងរូបនាងមានក្ដីសុខណាស់ ដូចជាម្ចាស់ក្សត្រី តែឥលូវក្ដីស្រម៉ៃបានរលាយអស់ហើយ។ ប្ដីរបស់នាងរៀនមិនចប់បរិញ្ញាទេ គាត់បានរៀនបើកឡានពេលដែលគាត់ទៅធ្វើទាហាន ក្រោយៗមកគាត់ក៏ធ្វើជាអ្នកបើកឡានអោយគេ ព្រោះគាត់មិនដឹងថាខ្លួនឯងអាចធ្វើអ្វីផ្សេងទៀតបាននោះទេ។
ថ្ងៃមួយភរិយាក៏បានយកសៀវភៅធនាគារមកអោយស្វាមី ហើយនិយាយថា«នៅក្នុងនេះមានលុយល្មមអាចទិញឡានមួយបាន បងចេះបើកឡាន ទៅទិញឡានមួយទឹកៗមករត់តាក់ស៊ីទៅ»គាត់ក៏យកមកកានើក្នុងដៃដោយមិននិយាយមួយម៉ាត់។ ដល់រដូវក្ដៅហើយ អាកាសធាតុក៏ក្ដៅខ្លាំង គាត់ក៏សំរេចចិត្តរត់ឡាននៅពេលយប់ ព្រោះថាអាចរកលុយបានច្រើនជាងពេលថ្ងៃ ព្រឹកទើបគាត់បានត្រលប់មកផ្ទះគេង តែគេងបានតែមួយភ្លែតក៏បែកញើសពេញខ្លួន តែគាត់សុខចិត្តទ្រាំ ព្រោះស្ដាយលុយមិនហ៊ានបើកម៉ាស៊ីនត្រជាក់។
ការពិតថ្ងៃកំណើតរបស់ប្រពន្ធក៏ជិតមកដល់ហើយ គាត់ចង់សន្សំលុយបានខ្លះសំរាប់ទិញកាដូរជូនភរិយា ជារបស់ដែលនាងចង់បានរហូតមកអោយនាង គឺសំពត់ពណ៌ខៀវខ្ចី។ ថ្ងៃមួយក្រុមហ៊ុនរបស់ភរិយាគ្មានការងារនៅពេលល្ងាច នាងក៏ត្រលប់មកផ្ទះមុនម៉ោង ពេលដែលបើកទ្វារ ក្នុងបន្ទប់ក្ដៅយ៉ាងខ្លាំង នាងគិតថា «ក្ដៅចង់ស្លាប់ម៉េចប្ដីមិនបើកម៉ាស៊ីនត្រជាក់?»នាងក៏ទៅបើកម៉ាស៊ីនត្រជាក់ រួចក៏ចូលទៅប្ដូរខោអាវ ព្រោះនាងមានណាត់ជាមួយមិត្តភក្តិចាស់ ជាប្រុសម្នាក់ដែលតាមស្រលាញ់នាងរហូតមក។ ស្វាមីនៅគេងលក់នៅឡើយ តែញើសបែកពេញខ្លួន ថែមទាំងគេងខ្លួននៅលើគ្រែតែជើងនៅដាក់ត្រាំក្នុងទឹកចានដែក ។
នាងមើលទៅស្វាមីគេងហើយបានហៅ«បងធ្វើអីនឹង?»គាត់មុខក្រហម «មិនមានអីទេ យកជើងត្រាំទឹកបាត់ក្ដៅហើយ បងស្ដាយលុយមិនចង់បើកម៉ាស៊ីនត្រជាក់ ចង់ទុកលុយទិញសំពត់អោយអូន » នាងក៏ទាញគាត់ឡើងពីគ្រែ អោយទៅងូតទឹក «បងញើសពេញខ្លួនហើយ ទៅងូតទឹកទៅ »នាងស្រែកឡូឡា។ នាងក៏ប្ដូរខោអាវដើម្បីទៅស្ងោរសណ្ដែកខៀវអោយប្ដីញ៉ាំបំបាត់ក្ដៅក្នុង នាងផ្ញើរសាររកមិត្តចាស់ថា «សុំទោសណា ខ្ញុំត្រូវធ្វើម្ហូបអោយប្ដីញ៉ាំ»ពេលនេះនាងដឹងហើយថា ក្ដីសុខដែលនាងតែងតែចង់បានគឺអ្វី។ គ្រប់ៗគ្នាតែងតែមានអ្នកដែលស្រលាញ់នៅក្បែរ ពេលដែលយើងហៅនរណាម្នាក់ថា«បងសំលាញ់ ឬអូនសំលាញ់»យើងក៏ត្រូវទទួលខុសត្រូវ និងធ្វើអោយគេមានក្ដីសុខដូចគ្នា…។
រក្សារសិទ្ធិដោយ៖KhmerNews.News