ពិតជាអស្ចារ្យខ្លាំងណាស់...សម្តេចនាយករដ្ឋមន្រ្តី ហ៊ុន សែន បានប្រកាសថា សម្តេចនឹងជួយលើការចំណាយ សាងសង់ផ្ទះ របស់អតីត តារាសម្ដែង ចៅ ចាន់ណារី ខំសង់ស្ទើរតែពេញមួយជីវិត...

បើយោងតាមព័ត៌មានព្រឹកនេះបានឲ្យដឹងថា ប្រមុខរាជរដ្ឋាភិបាលនៃប្រទេសកម្ពុជាគឺ សម្ដេចនាយករដ្ឋមន្ត្រី ហ៊ុន សែន បានអះអាងថានឹងរ៉ាប់រងការចំណាយលើការសាងសង់បញ្ចប់នូវផ្ទះរបស់អតីត តារាសម្ដែង ចៅ ចាន់ណារី ដែលចំណាយពេលយូរហើយ នៅធ្វើមិនទាន់ហើយរួចរាល់ទៀត។

យើងខ្ញុំមិនមានតួលេខអំពីការចំណាយលើការសាងសង់ទេ សុំមិនបញ្ជាក់ ប៉ុន្តែតាមលោក ហេង ឡុង ស្ថាបនិកសមាគមសិល្បករស្ម័គ្រចិត្តជួយសង្គម គឺសម្ដេចនាយករដ្ឋមន្ត្រី នឹងរ៉ាប់រងលើការចំណាយសម្រាប់ដែលនៅសល់រហូតដល់សំណង់ផ្ទះថ្មជាប់ផ្ទាល់ដីរបស់រៀមច្បងសិល្បកររហូតចប់ជាស្ថាពរ។

គួររំលឹកថា សំណង់ផ្ទះថ្មផ្ទាល់ដី របស់លោក ចៅ ចាន់ណារី តាមប្រភពខាងលើដដែល បានសាងសង់អស់រយៈពេលប្រមាណ ១០ឆ្នាំមកហើយ។ ទុនលើការចំណាយសាងសង់កន្លងមក គឺបានពីរបរកាប់អុសលក់ និងលក់សំលៀកបំពាក់ជជុះបន្តិចបន្តួច។ ប៉ុន្តែមួយរយៈក្រោយមក អស់លទ្ធភាពដោយសារសុខភាពទ្រុឌទ្រោមដោយជំងឺ ទើបសំណង់ត្រូវផ្អាក់ទុកចោលកណ្ដាលទីរហូតមកដល់បច្ចុប្បន្ននេះ៕