លេខាធិការរបស់មន្ទីពេទ្យធ្មេញមួយឈ្មោះ DR.MIN លើកោះតៃវ៉ាន់ ចាប់តាំងពីគ្រូពេទ្យ Ningxuan Chen ចូលមកបម្រើការជាជំនួយការ និងជាអ្នកប្រឹក្សាយោបល់ដល់អ្នកជំងឺនៅក្នុងមន្ទីពេទ្យធ្មេញមក អ្នកជំងឺដែលមានអាការឈឺធ្មេញក៏ដោយ និងមិនឈឺធ្មេញក៏ដោយ ហាក់ដូចជាមានចំណាប់អារម្មណ៍ និងមានការពេញចិត្តខ្លាំងក្នុងការធ្វើដំណើរមកកាន់មន្ទីពេទ្យ ដែលនេះជាហេតុធ្វើឲ្យមានការងឿងឆ្ងល់មួយ ព្រោះថា ជាធម្មតាគ្មាននរណាម្នាក់ចូលចិត្តទៅមន្ទីពេទ្យឡើយ តែហេតុអ្វីបានជាពេលនេះពួកគេចូលចិត្តម្ល៉េះ?

តាមពិតទៅ Ningxuan Chen ដែលជាជំនួយការពេទ្យធ្មេញនេះ គឺគ្មានជំនាញខាងពេទ្យធ្មេញទេ។ មូលហេតុដែលនាងអាចចូលមកបម្រើការនៅទីនេះបាន ព្រោះតែនាងមានសម្រស់ស្រស់ស្អាត និងគួរឲ្យស្រលាញ់ មួយវិញទៀត នាងថែមទាំងមានធ្មេញសស្អាតទៀតផង ដែលនេះគឺជាមូលហេតុចម្បងមួយដែលនាងត្រូវបានខាងមន្ទីពេទ្យជ្រើសរើសឲ្យធ្វើជាជំនួយការ ក៏ដូចជាអ្នកប្រឹក្សាយោបល់ជាមួយអ្នកជំងឺនៅពេលដែលមានការណាត់ជួប។ បញ្ចាក់មុននឹង Ningxuan Chen ចូលមកធ្វើការនៅក្នុងមន្ទីរពេទ្យធ្មេញមួយនេះ នាងគឺជាតារាអ៊ីនធឺណេតមួយរូប ដែលមានអ្នកគាំទ្រដល់ទៅ ២៧ ០០០នាក់ឯណោះ ។ ប្រភព៖ ណុត