ខេត្តកោះកុង ៖ មានករណីដ៏រន្ធត់មួយបានកើតឡើងទាំងព្រឹក ដោយរថយន្តដឹក​សាំង​និង​រថយន្ត​LUXES 470 ព្រលះគ្នា បណ្តាលឲ្យ​ផ្ទុះ​ឆេះ​រថយន្ត​ទាំងពីរ​គ្រឿង និងធ្វើឲ្យមានមនុស្សស្លាប់ និងរបួសជាច្រើនទៀតផង ដែលហេតុការណ៍បានកើតឡើង​នៅចំណុច ភូមិ​អូរជ្រៅ ឃុំ​បឹង​ព្រាវ ស្រុកស្រែ​អំបិល ខេត្តកោះកុង វេលា​ម៉ោង៧និង៣០នាទី​ព្រឹក​ថ្ងៃទី២៨ ខែមេសា ឆ្នាំ២០១៨។

​ចំពោះព័ត៏មានបឋម​ពី​សមត្ថកិច្ច​មូលដ្ឋាន​ឲ្យដឹងថា គ្រោះថ្នាក់​ចរាចរណ៍​នេះ​កើតឡើង រវាង រថយន្ត LUXES 470 ពណ៍​ទឹកមាស(មិនទាន់​ដឹង​ផ្លាកលេខ) មាន​ទិសដៅ​ពី​ខេត្ត​ព្រះសីហនុ ឆ្ពោះទៅ ភ្នំពេញ លុះដល់​ចំណុច​ខាងលើ​ក៏បាន​បុក​នឹង រថយន្ត ដឹក​ប្រេង របស់​ក្រុមហ៊ុន​PTTបណ្ដាល​ឲ្យ​ផ្ទះ​ឆេះ​រថយន្ត​ទាំងពីរ​គ្រឿង ។ គ្រោះថ្នាក់​នេះ​បណ្ដាលអោយ​ជនរងគ្រោះ​ដែល​ជិះ​ក្នុង​រថយន្ត LUXES មាន​អ្នកស្លាប់ ប៉ុន្តែ​មិនទាន់​ដឹង​ចំនួន និង​មាន​អ្នករងរបួស​ចំនួន ០២នាក់​ទៀត​ជា អ្នកបើកបរ និង អ្នករួមដំណើរ​លើ​រថ​យន្ត​ប្រេង ។ ចំណែក​រថយន្ត LUXES ឆេះ​ខូចខាត​ទាំងស្រុង និង រថយន្ត ប្រេង ឆេះ​ខូចខាត​ប្រមាណ 70%(ដំណឹង​ពិស្តារ​ជូនជ្រាប​ពេល​ក្រោយ)៕ ដោយ៖ ភារះ