ភ្នំពេញ៖ តារាចម្រៀងនិងសម្តែង បញ្ញា សិទ្ធិ អ្នកម្តាយជាទីស្រលាញ់បានធ្លាក់ខ្លួនឈឺជាច្រើនខែ តែមិនត្រូវបានលោកកូនប្រុសបង្ហើបឲ្យអ្នកណាដឹងទេ ចេះតែសំងំព្យាបាល​នៅមន្ទីរពេទ្យស្រុក​ខ្មែរ លុះជំងឺកាន់តែធ្ងន់ទំនងមិនអាចព្យាបាលបាន កូនប្រុសរូបសង្ហា បញ្ញា សិទ្ធិ បានបញ្ជូនម្តាយទៅសង្គ្រោះនៅមន្ទីរពេទ្យ​សុរិន្ទ​ប្រទេសថៃ។

យ៉ាងណាមិញ ​មក​ដល់​ពេល​នេះស្ថាន​ភាព​ជំងឺ​ម្តាយ បញ្ញា សិទ្ធិ ​មិ​ន​ទាន់​ធូរ​ស្រាល​នៅឡើយ ហើយលុយកាក់ត្រូវបានលោកបញ្ជាក់ថា «ខ្វះខាត»។ អញ្ចឹងហើយបានជាលោកដាច់ចិត្តបង្ហោះរូបម្តាយឈឺ និងទទូចសុំជំនួយពីសប្បុរសជន​ថា «សូមបងប្អូនជួយខ្ញុំបន្តិចក៏បានដែរ ខ្ញុំមិនចង់លក់ឡាន»។ ទន្ទឹមនឹងសំណើរសុំជំនួញរបស់លោក បញ្ញា សិទ្ធិ មជ្ឈដ្ឋានទូទៅឆ្ងល់ថា «តើម្តាយរបស់លោកមានជំងឺអ្វី?» មិនបង្អង់យូរលោក បញ្ញា សិទ្ធិ តបភ្លាមៗថា «ម្តាយខ្ញុំមានជំងឺលើសឈាម ទឹកនោមប្រៃ លើសជាតិ​អាស៊ីត ខ្លាញ់រុំបេះដូង»។ ប្រភព៖ dara-news