យុវវ័យអាយុ១៧ឆ្នាំ លួងក្មេងស្រីអាយុ១៤ឆ្នាំ រត់តាមខ្លួនចេញពីផ្ទះ សំងំដេកអោបគ្នាក្នុងផ្ទះសំណាក់ ត្រូវបានសមត្ថកិច្ចវាយខ្នោះជាប់...

រាជធានីភ្នំពេញ ៖ កាលពីម៉ោង១និង៣០នាទីរំលងអធ្រាត្រ ឈានចូលថ្ងៃទី៤ ខែឧសភា ឆ្នាំ២០១៨ ជនសង្ស័យម្នាក់ ត្រូវបានសមត្ថកិច្ចធ្វើការឃាត់ខ្លួន ពីបទលួងលោមក្មេងស្រីអាយុ១៤ឆ្នាំឲ្យរត់ចេញពីផ្ទះបាត់អស់៩ថ្ងៃទៅដេកផ្ទះសំណាក់ជាមួយគ្នា ដែលហេតុការណ៍នេះស្ថិតនៅចំណុចផ្ទះសំណាក់ថៃនួន ស្ថិតក្នុងសង្កាត់ទន្លេបាសាក់ ខណ្ឌចំការមន។

ជនសង្ស័យឈ្មោះឈុំ ភក្តី ភេទប្រុស អាយុ១៧ឆ្នាំ ជាសិស្សថ្នាក់ទី១១ ស្នាក់នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ចំណែកក្មេងស្រីរងគ្រោះមានអាយុ១៤ឆ្នាំ ជាសិស្សថ្នាក់ទី៩។

បើតាមប្រភពពីម្តាយនារីរងគ្រោះ បានប្រាប់ឲ្យដឹងថា កូនស្រីគាត់បានរត់ចេញពីផ្ទះអស់រយៈពេល៩ថ្ងៃមកហើយ ជាមួយសង្សារនិង មិត្តភក្តិរបស់គេនោះ រាល់ថ្ងៃគាត់ដើររកកូនស្រីតាមក្លិបជាមួយប្អូនប្រុស លុះនៅថ្ងៃកើតហេតុគាត់ប្រើប្អូនប្រុសទូរស័ព្ទទៅកូនស្រីដោយនិយាយថា គាត់ពិបាកចិត្តចង់ចេញក្រៅដើរលេង ទើបកូនស្រីគាត់ជិះម៉ូតូរបស់ជនសង្ស័យម៉ាកហុងដាឌ្រីម ពណ៌ក្រហម ពាក់ស្លាកលេខភ្នំពេញ 1GY-5983 មកយកគាត់។ ក្រោយមកគាត់ក៏តាមដានកូនស្រីដល់ផ្ទះសំណាក់ ស្រាប់តែឃើញកូនស្រីនៅជាមួយយុវជនខាងលើតែពីរនាក់ ក៏ចាប់ប្រគល់ទៅឱ្យសមត្ថកិច្ចតែម្តង។ បច្ចុប្បន្នជនសង្ស័យត្រូវបានសមត្ថកិច្ចធ្វើការសួរនាំ និងបញ្ជូនខ្លួនទៅកាន់តុលាការ តាមពាក្យបណ្តឹងរបស់ម្តាយខាងស្រី៕ ដោយ៖ វិសុទ្ធ

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។