កោះកុង៖ បុរសម្នាក់ត្រូវបានសមត្ថកិច្ចចាប់ឃាត់ខ្លួន ក្រោយពេលបំពានផ្លូវភេទជាមួយក្មេងស្រីអនិតិជនបានសម្រេចរហូតដល់ទៅបីដង ធ្វើឲ្យក្មេងស្រីមានផ្ទៃពោះហើយទើបបែកការ ដែលហេតុការណ៍នេះបានកើតឡើងនៅចំណុច ​ភូមិ​ព្រែក​ស្វាយ សង្កាត់​ស្ទឹង​វែង ក្រុង​ខេមរភូមិន្ទ ថ្ងៃទី០៥ ខែ ឧសភា ឆ្នាំ ២០១៨។

ជនសង្ស័យមានឈ្មោះ ចាន់ វ​ណ្ណី ភេទ​ប្រុស អាយុ២៩ឆ្នាំ ជនជាតិខ្មែរ មុខរបរ​កម្មករ​ធ្វើ​សំណង់ រស់នៅ​ភូមិ​ព្រែក​ស្វាយ សង្កាត់​ស្ទឹង​វែង ក្រុង​ខេមរភូមិន្ទ។ ចំណែកក្មេងស្រីរងគ្រោះមានឈ្មោះ ហ អ អាយុ ១៣ ឆ្នាំ មុខរបរ​សិស្ស រស់នៅ​ក្នុងភូមិ-សង្កាត់​ជាមួយគ្នា។ សមត្ថកិច្ច​បានបញ្ជាក់​ថា ជនសង្ស័យ​នឹង​ជនរងគ្រោះ​មានផ្ទះ​នៅ​ជិតគ្នា ហើយ​ជនសង្ស័យ​បាន​ចាប់​ក្មេង​រំលោភ​សេពសន្ថវៈ​នៅលើផ្ទះ​ពេល​ក្នុងផ្ទះ​មាន​សភាព​ស្ងាត់​គ្មាន​មនុស្ស​ចាស់​នៅ ព្រោះ​ពេលព្រឹក​ឡើង​ឪពុក​ទៅ​ចាំចំការ​ឲ្យ គេ​រីឯ​ម្តាយ​ទៅធ្វើ​ការ​ជា​កម្មករ​រោងចក្រ ទុក​ឲ្យ​កូន​នៅផ្ទះ​តែ២ នាក់​បងប្អូន​គឺ​ជនរងគ្រោះ និង​ប្អូនស្រី​តូច​មួយ ស្រាប់តែ​ថ្ងៃមួយ​ជនសង្ស័យ​បានធ្វើ​សកម្មភាព នៅពេល​ថ្ងៃ ខណៈពេល​មនុស្ស​ចាស់​ចេញទៅ​ប្រកបមុខរបរ​អស់ ជនសង្ស័យ​ដើរទៅ​ផ្ទះ​ជនរងគ្រោះ​ដោយ​យក​ទូរស័ព្ទ​ទៅ​សាក​ថ្ម ហើយ​នៅពេល​ឃើញ​ឱកាសល្អ​ជនសង្ស័យ​ក៏​ឲ្យ​លុយ​ក្មេងស្រី ដែលជា​ប្អូន​នោះ ទៅ​ទិញ​បារី​ឲ្យ បន្ទាប់មក​ក៏​ធ្វើ​សកម្មភាព ចាប់រំលោភ​សេពសន្ថវៈ​បានសម្រេច​តែម្តង។ ក្រោយពី​បានសម្រេច​ហើយ​ជនសង្ស័យ​បាន​ឲ្យ​លុយ និង​គំរាម​ជនរងគ្រោះ​មិន​ឲ្យ​និយាយប្រាប់​ឪពុកម្តាយ។ ដោយមាន​ការសង្កេត​ពី​ឪពុកម្តាយ​រាល់ថ្ងៃ​ដោយមាន​ការសង្ស័យ​អា​ការៈចំឡែក​ទៅលើ​ជនរងគ្រោះ​មាន​ផ្ទៃពោះ​បាន​ឪពុក ម្តាយ​ជនរងគ្រោះ​សង្ស័យ​សួរនាំ​ទើប​ដឹង​បានមក​ដាក់ពាក្យ​បណ្តឹង​រាយ​ការ​ណ៌​ដល់​សមត្ថកិច្ច ៕ ដោយ៖ នេត្រា