ភ្នំពេញ ៖ នៅថ្ងៃទី១០ ខែឧសភា ឆ្នាំ២០១៨នេះ នារីម្នាក់ដែលបានបង្ហោះវីដេអូពីការធ្វើម្ហូបសត្វព្រៃតាមយូធូបនោះ ត្រូវបានស្គាល់អត្តសញ្ញាណហើយ ខណៈពេលនេះ ក្រសួងបរិស្ថានក៏នឹងរៀបចំបើកសន្និសីទសារព័ត៏មាន ពាក់ព័ន្ធនឹងការទិញសត្វព្រៃទាំងនោះយកមកធ្វើម្ហូបនោះ។

នារីដែលយកសត្វដែលកម្រមាន មកធ្វើម្ហូបនោះ មានឈ្មោះ ​ចាន់ ប៉ូ​លី​ន ដោយនាងសារភាពជាមួយក្រុមគ្រួសារ ហើយបានទទួលនូវកំហុសផងដែរ។ ស្រ្តីរូបនោះនិងប្តីរបស់នាងបានសារភាពទៀតថា​ សត្វទាំងនោះមិនមែននាងឬប្តីរបស់នាងជាសំលាប់នោះឡើយ ពោលគឺបានទិញតពីគេ ហើយយកមកធ្វើជាម្ហូប ដាក់ក្នុង Toutube និង Facebook ដើម្បីចង់ស្វែងរកការមើលឲ្យបានច្រើន និង ថវិការខ្លះៗតែប៉ុណ្ណោះ។ អ្នកទាំងពីបានធ្វើកិច្ចសន្យា នៅចំពោះមុខមន្រ្តីក្រសួងបរិស្ថាន ពីទោសកំហុសរបស់ពួកគេ ហើយនឹងបញ្ឈប់ទង្វើរនេះហើយ៕ ដោយ៖ អាឆើត