ក្រដាសប្រាក់ ២ម៉ឺនរៀល គំរូថ្មី នឹងសម្រេចឲ្យចរាចរ​ចាប់ពីថ្ងៃទី១៦ ខែឧសភា ឆ្នាំ២០១៨នេះតទៅ។ នេះបើយោងតាម​អនុក្រឹត្យរាជរដ្ឋាភិបាលកម្ពុជា បានចេញនូវ​អនុក្រឹត្យមុននេះបន្តិច។ តាមសេចក្ដីជូនដំណឹង របស់ធនាគារជាតិ នៃកម្ពុជា រៀបរាប់ថា ការចេញ​ក្រដាសប្រាក់ ២ម៉ឺនរៀល គំរូថ្មីនេះ ដើម្បីអបអរសារទរ ព្រះរាជពិធីបុណ្យចម្រើនព្រះជន្ម ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃកម្ពុជា គម្រប់៦៥ យាងចូល ៦៦ ព្រះវស្សា។