​វៀតណាម៖ គីមីទៀតហើយក្រសួងកិសកម្ម រកឃើញម្ទេសកិន និងម្ទេសក្រៀមមានផ្ទុកជាតិពុលកម្រិតខ្ពស់ ដែលអាចបង្កជំងឺមហារីកបាន
-

​វៀតណាម៖ គីមីទៀតហើយ បងប្អូន បើតាមរបាយការណ៍​ពីក្រសួងកិសកម្ម និងអភិវឌ្ឍន៍ជនបទ​វៀតណាមក្រោយពី​ការរឹបអូសម្ទេសក្រៀម និងម្ទេសកិន​ពីទីតាំងលក់ដូរចំនួន ០៥ នៅក្នុងប្រទេស​វៀតណាម ព្រមទាំងបាន​រឹបអូសគំរូផលិតផល​ម្ទេសចំនួន ២៦២កញ្ចប់ សមត្ថកិច្ចបាន​បញ្ជាក់ថា ៣៦ភាគរយ ក្នុងចំណោមផលិត​ផលដែលត្រូវបានរឹបអូសនោះ គឺផ្ទុកទៅដោយសារ​ធាតុពុលកម្រិតខ្ពស់មួយ មានឈ្មោះថា អាផ្លាតុកស៊ីន (Aflatoxin) ដែលអាច​បង្ក​ឲ្យបរិភោគ​កើតជំងឺមហារីកបាន។

នេះបើតាម​ការចេញ​ផ្សាយ​ដោយ ស៊ីនហួរ នារសៀល​ថ្ងៃសុក្រ ទី១៨ ខែឧសភា ឆ្នាំ២០១៨ រាល់ផលិតផល​ដែលរកឃើញ​មានផ្ទុកសារធាតុពុល​ក្នុងកម្រិតខ្ពស់នោះ គឺសុទ្ធសឹងតែ​​ជាផលិតផល​ក្នុងស្រុកវៀតណាមផ្ទាល់តែម្តង ដែលភាគ​ច្រើនគឺត្រូវបានគេយក​ពីក្នុងផ្សារទំនើប និងនៅតាមបណ្តាលខេត្ត ។ បច្ចុប្បន្ន​នេះមានផលិតផលជាច្រើនដូចជា ពោត សណ្តែក និងកសិផល​​ជាច្រើនមុខទៀត ក៏កំពុងស្ថិត​នៅក្នុងការពិសោធន៍​ផងដែរ ។​ ដូចនេះហើយសូម ពុកម៉ែ បងប្អូន គួរតែរើសផលិតផលណាដែលអ្នកគិតថាវាល្អសំរាប់ សុខភាពអ្នក ។
ប្រភពៈ ណុត