រាជធានី​ភ្នំពេញ ៖ កាលពី​យប់​ថ្ងៃ​ទី​២១ ខែឧសភា ឆ្នាំ២០១៨ មន្ត្រី​យោធា​​ឈ្មោះ ធុន រាជ បម្រើ​ការងារ​នៅ​អង្គភាពង​៧០ បាន​ចូល​សារភាព​នៅ​ទីបញ្ជាការ​កងរាជអាវុធហត្ថ​រាជធានី​ភ្នំពេញ ក្រោយ​ពី​មានការ​ផ្ទុះអាវុធ​បាញ់បោះ​សេរី នៅ​ហាង​ផឹក​ស៊ី​មួយ​ក្នុង​សង្កាត់​ទន្លេបាសាក់​ខណ្ឌចំការមន។

បើតាមសម្តីមន្រ្តីមត្ថកិច្ច​កងរាជអាវុធហត្ថ​បានឱ្យដឹង​ថា ឈ្មោះ ធុន រាជ ជាមន្ត្រី​យោធា បម្រើ​ការងារ​នៅ​អង្គភាពង​៧០ បាន​ផ្ទុះអាវុធ​នៅ​ហាង​ផឹក​ស៊ី​មួយកន្លែង ដោយសារតែខឹងនិងអ្នកបម្រើ​ក្នុង​ហាង ក៏មានការផ្ទុះអាវុធឡើងតែម្តង។ បើយោងតាមបណ្តាញសង្គមហ្វេសប៊ុករបស់លោក​ឧត្ដមសេនីយ៍ឯក ម៉ៅ សុ​ផា​ន់ នាយ​រង​សេនាធិការ​ចម្រុះ និងជា​មេបញ្ជាការ​កងពលតូច​លេខ​៧០ នៅ​ព្រឹក​ថ្ងៃ​ទី​២៣ នេះថា បន្ទាប់​ពី​បាន​ទទួល​ព័ត៌មាន​ទាហាន​នៅ​អង្គភាពង​៧០ ម្នាក់​បាញ់​បោះ​សេរី​ក្នុង​ហាង​ផឹក​ស៊ីមួយស្ថិត​នៅ​សង្កាត់​​ទន្លេបាសាក់ ខណ្ឌចំការមន​នោះ ​លោក​បាន​បញ្ជា​ឲ្យ​អង្គភាព​ស្រាវ​ជ្រាវ ហើយ​ឃាត់ខ្លួន​ភ្លា​ម ដើម្បី​ចាត់ការ​តាម​នីតិវិធី ។ ឯកឧត្តម​ឧត្ដមសេនីយ៍ឯក​ ម៉ៅ​ សុផាន់​ បាន​បញ្ជាក់ថា​ ក្នុងនាមឯកឧត្តមជាមេបញ្ជាការកងពល​ ឯកឧត្ដម​មិនគាំទ្រចំពោះទង្វើល្មើសច្បាប់របស់កងកម្លាំងក្រោមឱវាទទេ​ ។​ លោក​នាយសំណង់​ ធុន​ រាជ​ កំពុងត្រូវបានសាកសួរបញ្ជាការដ្ឋានកងរាជអាវុធហត្ថរាជធានីភ្នំពេញ​ ដើម្បីបញ្ជូនទៅសាលាដំបូងចាត់ការតាមផ្លូវច្បាប់​ ។​ សូមគាំទ្រចំពោះចំណាត់ការរបស់ឯកឧត្ដម​ឧត្ដមសេនីយ៍ឯក​ ម៉ៅ​ សុផាន់​ ដែលមិនគាំទ្រទង្វើខុសច្បាប់របស់កងកម្លាំងក្រោមឱវាទ​ ៕ ដោយ៖​ សាក់