តារាចំម្រៀងវ័យក្មេង នាយ ចឺម កំពុងតែវាយលុកទីផ្សារយ៉ាងកក្រើក នៅក្នុងផលិតកម្ម សាន់ដេ ពិតណាស់នាម ចឺម មិនត្រឹមតែជាតារាចំម្រៀងនោះទេ គាត់ក៏ជាតារាកំប្លែង និងជាអ្នកកាត់សក់នៅក្នុង ពិធីអាពាហ៏ពិពាហ៏ ផងដែល ។ តែមួយរយះពេលថ្មីៗនេះនាយ ចឺម កំពុងតែទទួលរងការរិះគន់ពីសំណាក់មហាជនជាច្រើន នៅព័ត៍មានលិចលឺ ថាខ្លួននិងដណ្តើមកៅអីរៀមច្បង ខេមរៈ សិរីមន្ត វ៉ាមុខតារាចម្រៀងរៀមច្បង ឆាយ វីរៈយុទ្ធ និង ខាន់ ជេមស៍ បន្ទាប់ពីតំណែងតារាកំពូលប្រចាំផលិតកម្ម សាន់ដេ នៅទំនេរ ក្រោយការចាកចេញរបស់តារាចម្រៀង ខេមរៈ សិរីមន្ត ។

ដំណឹងមួយនេះបានធ្វើអោយតារាចម្រៀងម្ចាស់បទ «នរក១៨ជាន់» នាយ ចឺម បានចេញវីដេអូប្រតិកម្មយ៉ាងខ្លាំងៗថា «ដំណឹងនោះ មិនមែនជាការពិតឡើយ»។ នាយ ចឺម បន្ថែមថា «ខ្ញុំឯណាទៅមានចេតនាដណ្តើមតំណែង idol របស់ខ្ញុំ (ខេមរៈ សិរីមន្ត) សូមបងប្អូនកុំយល់ច្រឡំ។ ក្នុងនោះផងដែរ តារាចម្រៀងប្រភពដើមពីអ្នកកំប្លែង នាយ ចឺម ហាក់មានអារម្មណ៍ខ្លាចតារាចម្រៀងដ៏ល្បី ខេមរៈ សិរីមន្ត យល់ច្រឡំ ក៏បានអះអាងថា «សូមបង ខេមរៈ សិរីមន្ត កុំមានការយល់ច្រឡំ ប្អូនមិនបាននិយាយ ឬ ក៏គ្មានចេតនាដណ្តើមដំណែងបងទេ» ។ ក្រៅពីនោះ តារាចម្រៀង នាយ ចឺម បានវាយប្រហារទៅលើអ្នកសសេរសារព័ត៌មានថា «កុំដោយសារតែផលប្រយោជន៏ខ្លួន យកចុងប៊ិចមកកំទេចកេរ្ដិ៍ឈ្មោះអ្នកដ៏ទៃ» ។ ប្រភពៈ Jerm Singer