មន្ត្រីនគរបាលប៉ុស្តិ៍អូរឡាំពិកឈ្មោះ​ កៅ​ សំអុល​ ដែលប្រើហិង្សាលើស្ត្រីម្នាក់នៅជិតផ្សារអូរឡាំពិកនោះត្រូវបានផ្អាកពី​ការងារ​បណ្តោះអាសន្ន ករណី​ប្រើ​ហិង្សា លើ​ស្ត្រី​ជីះ​ម៉ូតូ អត់​ពាក់​មួយ​សុវត្ថិភាព នា​ព្រឹកថ្ងៃ​ទី២២ ខែឧសភា ឆ្នាំ២០១៨ នៅចំណុចក្បែរផ្សារអូឡាំពិក។

លោក​នាយ​ឧ​ត្ត​ម​សេនីយ៍ ជួន សុវណ្ណ បាន​ឲ្យ​ដឹងថា “ត្រូវបាន​ផ្អាក​ការងារ​បណ្តោះអាសន្ន ចំពោះ​លោក​អនុសេនីយ៍ទោ កៅ សំអុល អត្តលេខ២៧៧០២ ឋានៈ​មន្ត្រី​ប៉ុស្តិ៍​រដ្ឋបាល ទួល​ស្វាយព្រៃ​ទី១ ចំណុះ​អធិការដ្ឋាន​នគរបាល​ខណ្ឌចំការមន ដោយ​មូលហេតុ​បញ្ចេញ​អក​ប្ប​កិរិយា ឬ​ពាក្យសម្តី​គ្មាន​សីលធម៌ អមនុស្សធម៌ ខ្វះ​សុជីវធម៌ ដែលជា​ហេតុ​នាំ​ឲ្យ​បាត់បង់​កិត្តិយស សេចក្តីថ្លៃថ្នូរ របស់​នគរបាលជាតិ”។ ជាមួយនឹង​ទណ្ឌកម្ម​នេះ លោក​អនុ​សេនីយ៍​រូបនេះ ត្រូវ​មក​បង្ហាញខ្លួន នៅ​ការិយាល័យ​បុគ្គលិក រៀងរាល់​មោ់ង​ធ្វើការ ដើម្បី​កែប្រែ​កំហុសឆ្គង និង​រង់ចាំ​ការសម្រេច​ជាថ្មី ៕ ក្រោយពិលិចឮដំណឹងនេះ បុរសម្នាក់ម្ចាស់គណនីហ្វេសប៊ុកឈ្មោះ «Piseth Ouk» បានឃើញពីការលំបាករបស់មន្ត្រីប៉ូលីស កៅ សំអុល ដែលធ្លាក់បែកទូរស័ព្ទ គាត់មានបំណង ជូនទូរស័ព្ទដៃ Iphone មួយគ្រឿងដល់លោកប៉ូលីសរូបនោះ។ លោក អ៊ុក ពិសី បានលើកឡើងក្នុងសារថា «អធ្យាស្រ័យ អ៊ុំពូមីងបងប្អូនមិត្តភក្កិនៅក្នុងប្រព័ន្ធ Facebook ទាំងអស់គ្នា ខ្ញុំ Piseth Ouk មានបំណងជូនទូរស័ព្ទ១គ្រឿងដល់ លោក កៅ សំអុល​ បើមានអ្នកស្គាល់លេខទូរស័ព្ទគាត់ អាច Chat មក inbox របស់ខ្ញុំដោយក្តីរីករាយ»។