ប្លែកខ្លាំងណាស់! ចោរចូលលួចស្រាបៀរអស់ជាង ២០កេះ ប៉ុន្តែគាស់យកតែក្រវិលកំប៉ុង ដើម្បីផ្សងសំណាងយករង្វាន់ធំ... - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ប្លែកខ្លាំងណាស់! ចោរចូលលួចស្រាបៀរអស់ជាង ២០កេះ ប៉ុន្តែគាស់យកតែក្រវិលកំប៉ុង ដើម្បីផ្សងសំណាងយករង្វាន់ធំ...

ឧត្តរមានជ័យ៖ រហូតមកដល់ពេលនេះ សមត្ថកិច្ចមូលដ្ឋាន នៅមិនទាន់ទទូលបានពន្លឺ ក្នុងការស្រាវជ្រាវ ក្នុងករណីកម្រមួយ ដែលជនមិនស្គាល់អត្តសញ្ញាណ បានលួចចូលតូបលក់ឥវ៉ាន់ មួយកន្លែង ហើយបានគាស់អស់ស្រាបៀ និងទឹកផ្លែឈើ ជាង ២០ កេះ យកតែក្រវិលកំប៉ុង ដែលមានរង្វាន់ ទៅជាមួយនៅឡើយ។

អធិការនគរបាល ស្រុកចុងកាល់ បានឱ្យដឹងនៅថ្ងៃទី២៣ ឧសភាថា ជនសង្ស័យ មិនស្គាល់អត្តសញ្ញាណ បានលួចចូលតូបលក់ឥវ៉ាន់ មួយកន្លែងរបស់ម្ចាស់ ឈ្មោះ សាំង រឿប ភេទស្រី អាយុ ៣៦ ឆ្នាំ រស់នៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ។ មកដល់ពេលនេះ ការស្រាវជ្រាវរបស់ សមត្ថកិច្ច នៅមិនទាន់រកឃើញ ជនសង្ស័យនៅឡើយទេ។ ករណីនេះ ជនសង្ស័យ ក៏មិនបានយកសម្ភារផ្សេងៗ ក្រៅពីក្រវិលកំប៉ុងស្រាបៀ លីអូ និងស្រាបៀអង្គរ រួមទាំអទឹកផ្លែឈើចម្រុះ អស់ចំនួន ២៦ កេះ ទុកចោល ហើយយកតែក្រវិលកំប៉ុង ដែលគាស់មានរង្វាន់ យកទៅតែប៉ុណ្ណោះ។

លោកអធិការ បានសន្និដ្ឋានថា ករណីនេះ ប្រហែលជា កូនក្មេងមានអាយុចន្លោះ ពី ១២ ទៅ ១៣ ឆ្នាំ ព្រោះជ្រុងជញ្ជាំង ខាងលើ មានប្រហោងចូល តូចមួយ បិទមិនទាន់ជិត បើមនុស្សធំ មិនអាចចូលរួចនោះទេ។លោកបានរំលឹកថា ករណីនេះ បានកើតឡើង កាលពីវេលាម៉ោង ៧ យប់ថ្ងៃទី១៩ ខែឧសភា ឆ្នាំ២០១៨ ស្ថិតនៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ។

លោកបានបញ្ជាក់ថា ម្ចាស់តូបលក់ឥវ៉ាន់ ជាទម្លាប់សព្វដង គាត់នៅពេលល្ងាច តែងតែចាក់សោរទុកចោល ដោយអាងថា មិនអី ទៅដេកផ្ទះ មានចម្ងាយប្រមាណ ជាង ៥០០ ម៉ែត្រ ពីតូបលក់នោះ លុះព្រឹកឡើង មកបើកលក់ ស្រាប់តែឃើញទឹកស្រាបៀ និងទឹកផ្លែឈើ ហូរហៀរពេញតូបតែម្តង៕