បាត់លុយទៀត...ជនជាតិបរទេសម្នាក់ បានចូលម៉ាស្សា យីហោ បែបបុរាណខ្មែរ បានបាត់លុយអស់១០០០ដុល្លារ បង្កឲ្យមានការភ្ញាក់ផ្អើលពេញខណ្ឌដូនពេញ...

រាជធានីភ្នំពេញ ៖ កាលពីវេលាម៉ោង១១និង១៥នាទីយប់ ថ្ងៃទី២៣ ខែឧសភា ឆ្នាំ២០១៨ បុរសម្នាក់ជាជនជាតិបរទេស មិនស្រួលខ្លួនចូលទៅម៉ាស្សានៅហាងយីហោ បែបបុរាណខ្មែរ ខណៈចេញមកវិញបម្រុងនឹងគិតលុយ ស្រាប់តែដកកាបូបលុយចេញមក ស្រាប់តែបាត់លុយអស់ចំនួន១០០០ដុល្លារ ហើយក៏ទៅប្តឹងសមត្ថកិច្ច ដើម្បីឲ្យជួយអន្តរាគមន៍ នៅចំណុចហាងម៉ាស្សាយីហោ បែបបុរាណខ្មែរ ស្ថិតនៅក្នុងសង្កាត់ជ័យជំនះ ខណ្ឌដូនពេញ ។

ជនបរទេសម្នាក់វ័យប្រហែល២០ឆ្នាំ មិនស្គាល់អត្តសញ្ញាណ បានចូលទៅកន្លែងម៉ាស្សាខាងលើ។ ជនជាតិបរទេសបានប្រាប់ថា គាត់ដោះខោអាវចេញទៅដើម្បីស្រួលម៉ាស្សា លុះពេលដែលជនជាតិបរទេសនោះម៉ាស្សាហើយដើរចេញមកវិញបម្រុងនឹងដកកាបូបគិតលុយ ពេលឆែកកាបូបមើលបានលុយអស់ចំនួន១០០០ដុល្លារ ភ្លាមនោះជនជាតិបរទេសនោះក៏បានប្តឹងសមត្ថកិច្ចឲ្យជួយអន្តរាគមន៍ និងឃាត់ខ្លួនស្រ្តីដែលជាអ្នកម៉ាស្សាឲ្យ ដើម្បីធ្វើការសាកសួរជាបន្តទៀត។