ភ្នំពេញ ៖ នៅវេលាម៉ោង១២ រសៀល ថ្ងៃទី២៤ ខែឧសភា​ ឆ្នាំ២០១៨ រថយន្តស៊េរីទំនើប ម៉ាក Bensley បើកបរលឿនជ្រុលពេក ចំណុចផ្លូវកោង បានជ្រុលចង្កូតទៅ​បុកហោះ ​ឡើងលើទ្រូងផ្លូវ អូសជាង២០ម៉ែត្រ ទើបឈប់​ បណ្តាលឲ្យខូចខាតយ៉ាងដំណំ នៅក្នុងទឹកដីបឹងកក សង្កាត់ស្រះចក ខណ្ឌដូនពេញ រាជធានីភ្នំពេញ។

ប្រភពពីកន្លែងកើតហេតុបានឲ្យដឹងថា គេឃើញរថយន្តស៊េរីទំនើប​ មួយគ្រឿង ​​ម៉ាក Bensley ​ ពណ៌ស ពាក់ស្លាកលេខភ្នំពេញ 2Y-9138 បើកបរយ៉ាងលឿន ខណៈមកដល់ចំណុចកើតហេតុ ជាចំណុចផ្លូវកោង ដោយរថយន្តបួងចង្កូត មិនទាន់បានជ្រុលទៅបុក​ និងឡើងលើសួនច្បារ ពុះចែកទ្រូងផ្លូវ អូសជាង២០ម៉ែត្រ ទើបទៅមុខលែងរួច និងរងការខូចខាតផ្នែកខាងមុខចំហៀងខាងឆ្វេង ៕ ដោយ៖ ភារះ