ភ្នំពេញ ៖ ខណះពេលដែលមេឃកំពុងភ្លៀង មានរថយន្តស៊េរីទំនើបមួយគ្រឿងដែលគេដឹងថាមានតម្លៃជិត៤០ម៉ឺនដូល្លារ ម៉ាក Bensley បាន​បើកបរយ៉ាងលឿន ខណៈមកដល់ចំណុចផ្លូវកោង បានជ្រុលចង្កូតទៅ​បុកសួនច្បារពុះចែកទ្រូងផ្លូវ និងហោះឡើងលើទ្រូងផ្លូវ អូសជាង២០ម៉ែត្រ ។

ហេតុការណ៍នេះបានកើតឡើង នៅវេលាម៉ោង១២ រសៀល ថ្ងៃទី២៤ ខែឧសភា​ ឆ្នាំ២០១៨ នៅក្នុងទឹកដីបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ។ បើតាមសាក្សីកន្លែងកើតហេតុបានឲ្យដឹងថា គេឃើញរថយន្តស៊េរីទំនើប​ មួយគ្រឿង ​​ម៉ាក Bensley ​ ពណ៌ស ពាក់ស្លាកលេខភ្នំពេញ 2Y-9138 បើកបរយ៉ាងលឿន ខណៈមកដល់ចំណុចកើតហេតុ ជាចំណុចផ្លូវកោង ដោយរថយន្តបួង​ចង្កូត ​មិនទាន់បានជ្រុលទៅបុក​ និងឡើងលើសួនច្បារ ចែកទ្រូងផ្លូវ អូសជាង២០ម៉ែត្រ ទើបទៅមុខលែងរួច និងរងការខូចខាតផ្នែកខាងមុខចំហៀងខាងឆ្វេង និងបាតខាងក្រោមផងដែរ។ ក្រោយកើតហេតុ សមត្ថកិច្ចមូលដ្ឋានដែលទទួលផ្នែកជំនាញចរាចរណ៍ ចុះមកធ្វើការវាស់វែងរថយន្តបង្កខាងលើប្រគល់ឲ្យជំនាញចរាចរណ៍ជើងគោក នៃស្នងការដ្ឋាននគរបាលចរាចរណ៍រាជធានីភ្នំពេញ ដើម្បីដោះស្រាយតាមផ្លូវច្បាប់។ គួរបញ្ចាក់ផងដែរថា ៖ នៅតំបន់ក្នុងបឹងកក់នោះផ្លូវកោងណាស់ សូមបងប្អូនអ្នកធ្វើដំណើរត្រូវប្រុងប្រយ័ត្ន ជៀងវាងគ្រោះថ្នសក់ជាយកថាហេតុ ៕ ដោយៈ ភារ៉ា