ខេត្តព្រះសីហនុ លោកឧត្តមសេនីយ៍ទោជួន ណារិន្ទស្នងការដ្ឋាន​នគរបាល​ខេត្ត ​ព្រះសីហនុ​ បានអោយដឹងថានៅថ្ងៃ២៤ ខែឧសភា ឆ្នាំ២០១៨ នគរបាលចរាចរណ៍ បានចុះត្រួតពិនិត្យ ការអនុវត្តច្បាប់ចរាចរណ៍ផ្លូវគោក ពិសេសអ្នកបើកបរគ្មានប័ណ្ណបើកបរ ឬ មានប័ណ្ណបើកបរអន្តរជាតិមិនត្រឹមត្រូវ និងរថយន្តគ្មានផ្លាកលេខចំនួន០៣គោលដៅក្នុងក្រុងព្រះសីហនុ។ជាលទ្ធផលត្រួតពិនិត្យយានយន្តសរុបបានចំនួន១១១គ្រឿង​ ក្នុងនោះ រថយន្តចំនួន១៧គ្រឿង មានដូចខាងក្រោម​ ៖

១.អ្នកបើកបរម៉ូតូមិនពាក់មួកសុវត្ថិភាពចំនួន៧៣គ្រឿងពិន័យទាំងអស់ ។ ២.អ្នកបើកបរម៉ូតូគ្មានកញ្ចក់មើលក្រោយចំនួន១៥គ្រឿង ពិន័យទាំងអស់ ។ ៣.រថយន្តមិនពាក់ខ្សែរក្រវ៉ាត់ ចំនួន០២គ្រឿង ពិន័យទាំងអស់ ។ ៤.ម៉ូតូល្មើសផ្លាកសញ្ញាចរាចរណ៍ចំនួន០៦គ្រឿង ពិន័យទាំងអស់ ។ ៥.រថយន្តល្មើសផ្លាកសញ្ញាចរាចរណ៍ចំនួន០៩គ្រឿង ពិន័យទាំងអស់ ។ ៦.ជនជាតិចិនបើកបរដោយគ្មានប័ណ្ណបើកបរ និង មានប័ណ្ណបើកបរអន្តរជាតិមិនត្រឹមត្រូវចំនួន០៦គ្រឿង ពិន័យចំនួន០១គ្រឿង(តាមអនុក្រឹត្យលេខ៤៤) មិនទាន់ពិន័យចំនួន០៥គ្រឿង រក្សារទុកនៅការិយាល័យចរាចរណ៍ផ្លូវគោកខេត្តព្រះសីហនុ ៕ ប្រភពៈ Huy Bunleng