(ភ្នំពេញ)៖ នៅថ្ងៃទី២៤ ខែឧសភា ឆ្នាំ២០១៨ នៅទីស្ដីការក្រសួងសុខាភិបាលនឹងចាប់ផ្ដើមផាកពិន័យចំពោះអ្នកជក់បារី នៅតាមសាធារណៈ និងតំបន់ហាមឃាត់ រួមទាំងតាមភោជនីយដ្ឋាន និងសណ្ឋាគារផងដែរ ។

លោកវេជ្ជបណ្ឌិត អ៊ឹង ភីរុន បានថ្លែងថា ក្នុងពេលឆាប់ខាងមុខនេះ ក្រសួងសុខាភិបាលសហការជាមួយក្រសួងយុត្ដិធម៌ យើងមានក្រុមធិការកិច្ចជាង៥០០នាក់ សម្រាប់ធ្វើការទៅលើច្បាប់អនុក្រឹត្យហើយបើកសិនជាជនណាល្មើសជក់បារី ក្នុងតំបន់ហាមឃាត់ នឹងធ្វើការផាកពិន័យ ម្នាក់២ម៉ឺនរៀល ។ មន្ដ្រីក្រសួងសុខាភិបាល បានធ្វើការអំពាវនាវព្រមគ្នា ដល់ប្រជាពលរដ្ឋ ឲ្យឈប់ជក់បារី ដែលធ្វើឲ្យប៉ះពាល់សុខភាពខ្លួនយើង គ្រួសារ និងអ្នកជុំវិញ រហូតដល់ដល់ស្លាប់បាត់បង់ជីវិត។ ចំណែកឯម្ចាស់ភោជនីយដ្ឋាន សណ្ឋាគារ ទាំងនៅតាមទីប្រជុំ សាធារណៈ សូមបិទស្លាកសញ្ញា ហាមជក់បារី និងហាមដាក់ចានគោះបារី ជាដាច់ខាត។ បើតាមការស្រាវជ្រាវទូទាំងប្រទេស រៀងរាល់៥ឆ្នាំម្ដង ស្ដីពីការប្រើប្រាស់ថ្នាំជក់ ក្នុងចំណោមមនុស្សពេញវ័យបានបង្ហាញថា ប្រេវ៉ាឡង់នៃការប្រើប្រាស់ថ្នាំជក់ ក្នុងចំណោមមនុស្សពេញវ័យ អាយុចាប់ពី១៨ឆ្នាំឡើងទៅ បានថយចុះក្នុងរយៈពេល១០ឆ្នាំចុងក្រោយនេះ គឺ ចុះ១៣.៦៨ គឺពី៤៨% មកនៅត្រឹម ៣៥.៣% ចំពោះបុរស និងថយចុះ៨.៩៣% ស្ដ្រី ២០.៥% មកនៅត្រឹម១១.៦%»។ ហើយយើងឃើញអត្រាស្លាប់ដោយជំងឺបេះដូងមានការកើតច្រើន ដោយទូទាំងពិភពលោក ការស្លាប់ដោយសារថ្នាំជក់នេះ មានរហូតដល់ទៅជាង៧លាននាក់ក្នុងមួយឆ្នាំ ក្នុងនោះ ជាង៦លាននាក់អ្នកដែលជក់បារី និងជិត១លាននាក់ ដែលស្រូបផ្សែងបារីពីគេ។ ដោយឡែកកម្ពុជា អត្រាអ្នកស្លាប់បណ្ដាលមកពីការប្រើប្រាស់ថ្នាំជក់នេះ មានប្រមាណជិត១ម៉ឺននាក់ក្នុងមួយឆ្នាំ ស្មើនឹង២៨នាក់ក្នុងមួយថ្ងៃ»។ ប្រភពៈ ណុត