អធិការងទទួលបន្ទុកគ្រឿងញៀនស្រុកអង្គបុរី បានដោះលែងយុវជនម្នាក់ ឲ្យមានសេរីភាពវិញ ដោយគេតម្រូវឲ្យបង់លុយចំនួន៤០០ដុល្លារជាថ្នូរនឹង...

កាលពីដើមសប្ដាហ៍កន្លងទៅនេះ លោក ឡេង ផារិន្ទ អធិការងទទួលបន្ទុកគ្រឿងញៀនស្រុកអង្គបុរី បានដឹកនាំកំលាំងចុះឃាត់យុវជនម្នាក់ពាក់ព័ន្ធនឹងករណីគ្រឿងញៀន តែត្រូវបានបានដោះលែងឲ្យមានសេរីភាពវិញ ដោយគេតម្រូវឲ្យបង់លុយចំនួន៤០០ដុល្លារអាមេរិក។

តាមប្រភពច្បាស់ការណ៍ពីបងប្អូនយុវជនបានឲ្យដឹងថា យុវជនខាងលើឈ្មោះ ផាន អាយុ១៤ឆ្នាំ រស់នៅភូមិឃុំស្រុកអង្គបុរីខេត្តតាកែវ ត្រូវបានកំលាំងលោក ឡេង ផារិន្ទ ឃាត់ខ្លួននៅភូមិឃុំខាងលើយកមកអធិការដ្ឋាននគរបាលស្រុកអង្គរបុរី រួចក៏បានដោះលែងវិញដោយលោក ឡេង ផារិន្ធ ប្រាប់ថា ឲ្យបង់លុយ៤០០ដុល្លារ ដើម្បីយកទៅឲ្យថ្នាក់លើទើបរួចខ្លួន។ ជុំវិញករណីខាងលើនេះ លោក ឡេង ផារិន្ទ អធិការងទទួលបន្ទុកគ្រឿងញៀន នៃអធិការដ្ឋានស្រុកអង្គបុរីបានឲ្យដឹងថា លោកមិននិយាយទេរឿងហ្នឹង សូមអ្នកកាសែតជួបជាមួយលោកអធិការស្រុកទៅ។ ពាក់ពន្ធករណីនេះអ្នកយកព័ត៍មានយើងមិនអាចសុំការបំភ្លឺពីលោក ភី ឈុន អធិការនគរបាលស្រុកអង្គបុរីបានទេ ដោយលោកជាប់រវល់ប្រជុំ។ យ៉ាងណាក៏ដោយ ពលរដ្ឋស្រុកអង្គបុរីបានសម្ដែងការរិះគន់លើសមត្ថកិច្ចថា បច្ចុប្បន្ននេះពលរដ្ឋញៀនថ្នាំកំពង់រងគ្រោះដោយសារតែអស់លោកសមកិច្ចឃាត់យកលុយជាច្រើនករណី ចំណែកមេក្លោងចែកចាយជួញដូរគ្រឿងញៀនមិនដែលឃើញចាប់បានឡើយ៕ ប្រភពៈ អេអិនអិន / ANN

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។