កំពង់ចាម ៖ កាលពីវេលាម៉ោង២និង៣០នាទីរំលងអធ្រាត្រ ឈានចូលថ្ងៃទី០៥ ខែមិថុនា ឆ្នាំ២០១៨ យុវជនឈាមរាវម្នាក់ បានលួចទាក់ទងស្នេហាជាមួយក្មេងស្រីម្នាក់ ស្ថិតក្នុងវ័យអនីតិជនមិនទាន់គ្រប់អាយុនៅឡើយ រហូតដល់កម្តៅស្នេហ៍ឡើងដល់កម្រិត ក៏ថ្លើមធំលបឡើងផ្ទះគូស្នេហ៍ទាំងកណ្តាលយប់ រួចចូលទៅក្នុងបន្ទប់រួមរ័ក្សជាមួយខាងស្រីយ៉ាងត្រេកត្រអាល ទីបំផុត ម្តាយខាងស្រីតាមទាន់ ក៏ចាប់អូសកយកទៅប្រគល់ឱ្យសមត្ថកិច្ច នៅចំណុចលើផ្ទះក្មេងស្រីរងគ្រោះ ស្ថិតក្នុងភូមិ ខ្ពបតាងួន ឃុំខ្ពបតាងួន ស្រុកស្ទឹងត្រង់។

ជនសង្ស័យមានឈ្មោះអ៊ុង ប៊ុន អាយុ ២០ឆ្នាំ មុខរបរមិនពិតប្រាកដ មានស្រុកកំណើតនៅភូមិបឹងរៃ ឃុំប្ញស្សីកែវ ស្រុកព្រែកប្រសព្វ ខេត្តក្រចេះ។ ចំណែកក្មេងស្រីរងគ្រោះ មានឈ្មោះ ល.ដ ជាអនីតិជន មានលំនៅក្នុងផ្ទះកើតហេតុខាងលើ។ បើតាមសម្តីពីសាក្សីនៅកន្លែងកើតហេតុបានប្រាប់ឲ្យដឹងថា នៅមុនពេលកើតហេតុ យុវជនម្នាក់បានលួចទាក់ទងស្នេហាជាមួយក្មេងស្រីដែលត្រូវជាជនរងគ្រោះ លុះដល់យប់អធ្រាត្រ ជនសង្ស័យក៏បានឡើងទៅបន្ទប់កូនស្រីរងគ្រោះ ដើម្បីធ្វើសកម្មភាពរំលោភទៅលើក្មេងស្រីរូបនោះ យ៉ាងត្រេកត្រអាល ភ្លាមនោះ ក៏មានសំឡេងឆោឡោចេញពីក្នុងផ្ទះក្មេងស្រីរងគ្រោះ ដោយឪពុកម្តាយក្មេងស្រី ស្រែកថា មានជនសង្ស័យលបឡើងផ្ទះចាប់រំលោភកូនស្រីគេ។ ក្រោយមក ក៏ឃើញឪពុកម្តាយក្មេងស្រីរងគ្រោះ បានចាប់ក្របួចជនសង្ស័យខាងលើ យកទៅប្រគល់ឱ្យសមត្ថកិច្ច ប៉ុស្តិ៍នគរបាលរដ្ឋបាលខ្ពបតាងួន ដើម្បីសួរនាំ និងចាត់ការតាមច្បាប់តែម្តង។ ជនសង្ស័យបានឆ្លើយសារភាពនៅមុខសមត្ថកិច្ចថា រូបគេ និងក្មេងស្រីរងគ្រោះបានស្រលាញ់គ្នា មួយរយៈពេលមកហើយ រហូតឈានដល់ការណាត់គ្នាឡើងទៅរួមមេត្រីជាមួយគ្នាទៀតផង លុះកំពុងតែធ្វើសកម្មភាព រួមមេត្រីជានាង នឹងគ្នា ស្រាប់តែត្រូវម្តាយខាងស្រីចូលមកទាន់ចាប់ជាប់យកប្រគល់ឱ្យប៉ូលិសតែម្តង។ ជនសង្ស័យខាងលើ ត្រូវបានសមត្ថកិច្ចរៀបចំកសាងសំណុំរឿង បញ្ជូនខ្លួនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី៕ ដោយ៖ និស្ស័យ