បន្ទាយមានជ័យ ៖ នៅវេលាម៉ោង១២ព្រឹក​ថ្ងៃ​ទី​០៧ ខែមិថុនា ឆ្នាំ២០១៨ ​នេះ​ ស្ត្រី​វ័យក្មេង​ម្នាក់យំរៀបរាប់ទឹកភ្នែកថា មិនគួរណាសោះបងទៅចោលទាំងក្មេងបែបនេះសោះ ដោយសារតែប្តីសំលាញ់ ចាកចោលទាំងនៅស្រស់នឹងភ្នែក សង្ស័យខ្យល់គរ ហើយ​ត្រូវ​បាន​ភាគី​ថៃ​បញ្ជូន​ ឲ្យ​សាច់ញាតិ​តាម​ច្រក​ទ្វារ​អន្តរជាតិ​ប៉ោយ​ប៉ែ​ត។

ប្រពន្ធជនរងគ្រោះមានឈ្មោះ សិ អួន អាយុ​២៤​ឆ្នាំ មាន​ទីលំនៅ​ភូមិ​ឃុំ​តា​បែន ស្រុក​ស្វាយចេក ខេត្តបន្ទាយមានជ័យ ។ បើតាមការរៀបរាប់ពីប្រពន្ធជនរងគ្រោះបានប្រាប់ឲ្យដឹងថា ប្តីរបស់នាងមានឈ្មោះ ស៊ិ​ន សោម អាយុ​២៧​ឆ្នាំ ជា​កម្មករ​សំណង់ និង​មាន​ទីលំនៅ​ភូមិ​តានី ឃុំ​រោង​គោ ស្រុក​ក្រឡាញ់ ខេត្តសៀមរាប ។ នាងបានរៀបរាប់ទៀតថា បើនាងមាននៅជាមួយប្តី ប្រហែលជាប្តីគាត់មិនស្លាប់ទេ ព្រោះនាងអាចកោសខ្យល់បាន។ នាងបានបន្តទៀតថា មុននឹងស្លាប់ ប្តីរបស់គាត់បានជួនគាត់ (ប្រពន្ធ) ឡើងរថយន្តមកប្រទេសកម្ពុជា ដើម្បី​ធ្វើ​លិខិតឆ្លងដែន​ដឹង​អី​បែក​គ្នា​តែ​១​ថ្ងៃ ព្រឹក​ឡើង​ទទួល​ព័ត៌មាន​ថា ប្តី​ស្លាប់​ទៅ​វិញ ។ សព​រង​គ្រោះ​ក្រោយ​បញ្ជូន​ដល់​កម្ពុជា​ត្រូវ​បាន​សាច់ញាតិ​ជួល​រថយន្ត​ម៉ាក​ស៊ី​ណា​ដឹក​ទៅ​ស្រុក​ក្រឡាញ់ ដើម្បី​ធ្វើបុណ្យ​តាម​ប្រពៃណី ៕ ដោយ៖ វិសុទ្ធ