ខេត្តព្រះសីហនុៈ នៅថ្ងៃទី៦ ខែមិថុនា ឆ្នាំ២០១៨នេះ វេលាម៉ោង១៧.៣០ល្ងាច កម្លាំងកងរាជអាវុធហត្ថ​ ខេត្តព្រះសីហនុ ឃាត់ខ្លួនជនសង្ស័យចំនួន១ក្រុម ដែលករណីបង្កហឹង្សា ប៉ះពាល់ដល់ប្រជាពលរដ្ឋ នៅចំណុចម្តុំផ្ទះសំណាក់ងឺ ឆៃ ស្ថិតនៅ ភូមិ២ សង្កាត់៤ ក្រុងព្រះសីហនុ ។

ក្នុងនោះសមត្ថកិច្ចបានស្រាវជ្រាវ និង ឃាត់ខ្លួនជនសង្ស័យជនជាតិចិនចំនួន៨នាក់ និងជនជាតិខ្មែរ១នាក់ នៅចំណុចហាង លក់ឡាន ហឹង ថៃ ស្ថិតក្រុម១៥ ភូមិ២ សង្កាត់៤ ក្រុងព្រះសីហនុ និងប្រទះឃើញជនរងគ្រោះ១នាក់ ជាជនជាតិចិន (ភ្លាមៗមិនទាន់ស្គាល់អត្តសញ្ញាណ) ។ជាមួយគ្នានេះសមត្ថកិច្ច ដកហូតបានទូរសព្ទ១០គ្រឿង អាយកូម១គ្រឿង អាវុធម៉ាក់ បេអាតា បាញ់ខ្សល់១ដើម នាឡិកាដៃ១ កាបូបយូដៃ១ រថយន្ត២គ្រឿង ។ បច្ចុប្បន្នជនសង្ស័យបញ្ចូនទៅទីបញ្ជាការអាវុធហត្ថខេត្តដើម្បីចាត់ការតាមនិតិវិធីបន្ត រីឯជនរងគ្រោះបញ្ចូនទៅព្យាបាលនៅមន្ទីរពេទ្យខេត្ត៕ ប្រភពៈ ណុត