ភ្នំពេញ ៖ កាលពីថ្ងៃទី៦ ខែមិថុនាឆ្នាំ២០១៨ នៅចំនុចខ្ទមចាស់ក្នុងភូមិទួលតាចាន់ សង្កាត់ព្រែកឯង ខណ្ឌច្បារអំពៅ ក្មេងស្រីអាយុ៩ឆ្នាំម្នាក់ ត្រូវបានឪពុកបង្កើតចាប់រំលោភសេពសន្ថវៈយ៉ាងព្រៃផ្សៃ និងធ្លាប់ប្រើដៃលេងប្រដាប់ភេទកូនស្រីចំនួន៣ដងទៀតផង ។

ជនសង្ស័យមានឈ្មោះឃុន សឺង ភេទ ប្រុស អាយុ៥០ឆ្នាំ ជនជាតិខ្មែរ មុខរបរកម្មករសំណង់ត្រូវជាឪពុកបង្កើត​កុមារីរងគ្រោះឈ្មោះ ស.ច.ធ.រ អាយុ៩ឆ្នាំ ជាសិស្ស មានទីលំនៅ ភូមិទួលតាចាន់ សង្កាត់ព្រែកឯង ខណ្ឌច្បារអំពៅ ។ បើតាមសម្តីរបស់ម្តាយក្មេងស្រីរងគ្រោះ បានប្រាប់ថា កាលពីម៉ោង១៥និង០០នាទីកុមារី កូនរបស់គាត់បានដេកនៅក្នុងខ្ទមម្នាក់ឯង ដោយរូបគាត់ (ម្តាយ) បានចេញទៅដកក្រអៅឈូក ស្រាប់តែជនសង្ស័យផឹកស្រាស្រវឹងដើរមកដល់នាំកុមារីរងគ្រោះចូលទៅក្នុងផ្ទះទុកចោល បន្ទាប់មកជនសង្ស័យក៏បានស្រាតខោកុមារី ផ្តួលទៅលើឥដ្ឋការ៉ូ ហើយធ្វើសកម្មភាពចាប់រំលោភកុមារីរងគ្រោះ ពេលនោះកុមារីរងគ្រោះឈឺក៏ស្រែក ជនសង្ស័យក៏ដកប្រដាប់ភេទចេញ។ ពេលម្តាយមកដល់ បានឃើញសកម្មភាពបែបនេះ ក៏នាំកូនស្រីមកដាក់ពាក្យបណ្តឹងនៅទីស្នាក់ការ ប៉ុស្តិ៍ព្រែកឯងរួចសមត្ថកិច្ចយើងក៏ចុះទៅឃាត់ខ្លួនជនសង្ស័យនៅភូមិទួលតាចាន់ សង្កាត់ព្រែកឯង ខណ្ឌច្បារអំពៅ បញ្ជូនមកអធិការដ្ឋាននគរបាលខណ្ឌច្បារអំពៅ ធ្វើការ សាកសួរ។ បន្ទាប់មកម្តាយក៏នាំកុមារីរងគ្រោះទៅពិនិត្យសុខភាពនៅមន្ទីរពេទ្យបង្អែក រាជធានីភ្នំពេញ។ កន្លងមកជនសង្ស័យធ្លាប់ប្រើដៃលេងប្រដាប់ភេទកុមារីរងគ្រោះចំនួន ០៣ដង។ បច្ចុប្បន្នជនសង្ស័យត្រូវសមត្ថកិច្ចចាប់ខ្លួនបញ្ជូនមកកាន់អធិការដ្ឋាននរគរបាលខណ្ឌច្បារអំពៅដើម្បីចាត់ការតាមផ្លូវច្បាប់ ៕ ដោយ៖ និស្ស័យ