ភ្នំពេញ៖ ឯកឧត្តមឧកញ៉ា ម៉ុង ឫទ្ធី ត្រូវបានគេដឹងជាអ្នកជំនួញដ៏ល្បីនៅស្រុកខ្មែរផ្នែកកសិកម្ម ដែលលោកបានជួយបង្កើតការងារសម្រាប់កម្មករ និងបុគ្គលិករាប់ម៉ឺននាក់ និងមានលុយរាប់លានដុល្លារ ប៉ុន្តែលោកនៅតែមិនភ្លេចពីទំលាប់ចាស់កាលពីគ្រាក្រនោះឡើយ ដោយភរិយារបស់លោកដែលមានឋានៈដល់លោកជំទាវផងនោះ នៅតែចូលចង្រ្កានដាំបាយធ្វើម្ហូបដូចស្រីមេផ្ទះដ៏ទៃទៀតផងដែរ។ រីឯលោកឧកញ៉ាក៏មិនប្រកាន់ខ្លួន ដោយលោកតែចុះជាប់ជាមួយកម្មករកម្មការិនីនៅតាមកសិកដ្ឋានរបស់លោក ហើយជារឿយៗលោកតែនាំភរិយាចុះទៅជួយធ្វើនំបញ្ចុក ម្ហូបអាហារចែកជូនកម្មករ និងបុគ្គលិក ហូបនាឱកាសបុណ្យទានផ្សេងៗ។

ដោយសារតែគំរូដ៏ល្អសម្រាប់មនុស្សផងទាំងពួង អញ្ចឹងហើយបានជានារីម្នាក់លើកឡើងថា «តើមានលោកជំទាវប៉ុន្មានរូបដែលដូចគាត់ហ្ន៎? មិនដែលឃើញចូលហាងកែរសម្ភស្ស ឃើញតែនៅក្បែរចង្ក្រានរហូត ដូចជារកគ្មាន។ ឯកឧត្តម ម៉ុង ឫទ្ធី ពិតជាសំណាងណាស់ ឯកឧត្តមខ្លះប៉ះចំលោកជំទាវចេះតែធ្វើខ្លួនតែមិនចេះធ្វើម្ហូប បាយហាងរហូតហ្មង»។ ប្រភព៖ dara-news