ភ្នំពេញ៖ អ្នកនាង សឿ សុធា​រ៉ា បានបង្ហោះរូបភាព​ជាលក្ខណៈគ្រួសារ ដ៏សាមញ្ញាមួយ តែពោរពេញទៅដោយសុភមង្គល អមជាមួយស្នាមញញឹមយ៉ាងស្រស់ស្អាត នៅក្នុងវ័យ៣២ឆ្នាំរបស់អ្នកនាង។ អ្នកនាង សឿ សុធា​រ៉ា បានបង្ហោះសារ អមជាមួយស្នាមញញឹម ក្នុងថ្ងៃខួបកំណើតរបស់អ្នកនាង ដោយអ្នកនាងបានរៀបរាប់ថា "Happy birthday to me​ 32​ ឆ្នាំ​ សុខសប្បាយទាំងអស់គ្នាបងប្អូន"។ ក្រោយពីរៀបអាពាហ៍ពិពាហ៍រួចមក អ្នកនាងមិនសូវមានពេលនៅក្នុងអាជីពសិល្បះមួយនេះដូចពីមុននោះទេ តែគេតែងតែសង្កេតនៅក្នុងបណ្តាញសង្គមហ្វេសប៊ុករបស់អ្នកនាង បង្ហាញពីភាពផ្អែមល្អែមជាមួយស្វាមី និងកូនរបស់អ្នកនាងជានិច្ច។ អ្វីដែលគួរឲ្យចាប់អារម្មណ៍នោះ គឺនៅថ្ងៃខួបកំណើតរបស់អ្នកនាង គេសង្កេតឃើញថា ក្រុមគ្រួសារដ៏គួរឲ្យស្រលាញ់មួយនេះ បានជ្រើសរើសឈុតសម្លៀកបំពាក់ជាលក្ខណៈគ្រួសារតែម្តង។ បើនិយាយពីនំខួបកំណើតរបស់អ្នកនាងវិញ ពិតជាប្លែកខ្លាំងណាស់ ដោយមាន​ច្នៃ​ជា​ទង់ជាតិ​ដាក់​លើ​នំ​ខួបកំនើត​ដែល​គេ​កម្រ​ឃើញ​តារា​ក្នុង​សិល្បៈ​ជ្រើសរើស​នំ​បែបនេះ​នៅក្នុង​ថ្ងៃកំណើតរបស់ខ្លួន ។