រឿងដែលមិនគួរឲ្យជឿ! ធ្វើការមិនដែលសល់ប្រាក់ខែ បែកគំនិតធ្វើជំនួញ សល់លុយរាប់ម៉ឺនដុល្លា គ្រឿងអលង្ការ ឡានទំនើប ចំនាយពេលត្រឹមតែ...

ក្នុងជីវិតមនុស្សយើងម្នាក់ៗ មិនមែនសុទ្ធតែទទួលភាពជោគជ័យនោះទេ មនុស្សប្រមាណតែ១០%ប៉ុណ្ណោះដែលអាចទទួលបានជោគ ជ័យពិតប្រាកដ។ មនុស្សដែលជោគជ័យទាំងនោះសុទ្ធតែបានកំណត់នូវគោលដៅជាក់លាក់មួួយសម្រាប់ការឈានទៅដល់។ យ៉ាង ណាមិុញ អ្នកដែលរស់នៅដោយគ្មានភាពជាក់លាក់ និងមិនបានកំណត់គោលដៅជីវិតខ្លួនឯង ជាមូលហេតុនាំអោយជីវិតមានភាពបរា ជ័យ។ ពីព្រោះការកំណត់គោលដៅជាក់លាក់នេះ នឹងនាំមកនូវទស្សនៈវិស័យជាក់លាក់ពីអ្វីដែលអ្នកចង់បាន និងចង់សម្រេចទៅដល់។

ជាក់ស្ដែងនារីវ័យក្មេងម្នាក់ បានតស៊ូរកស៊ីរហូតសល់លុយរាប់ម៉ឺនដុល្លារ គ្រឿងអលង្ការ និងរថយន្តទំនើប ត្រឹមពេលមួយឆ្នាំកន្លះប៉ុណ្ណោះ។ ការបែកគំនិតមករកស៊ីលក់គ្រឿងសម្អាងតាមអនឡាញនេះ ដោយសារធ្វើការមិនសល់ប្រាក់ខែ មិនគ្រាន់ថ្លៃបាយ ថ្លៃ Make Up និងថ្លៃសាំងឡានប្រចាំថ្ងៃ។ (មានរូបភាំពទាំងអស់ ខាងក្រោមអត្ថបទ)

នារីដ៏ស្រស់ស្អាត ដែលជាម្ចាស់គណនី Facebook ឈ្មោះ Sonita Mako បានសរសេររៀបរាប់ថា៖«ទ្រព្យសម្បត្តិផ្ទាល់ខ្លួនខ្លះៗសល់ពីការរកស៊ីកំប៉ិកកំប៉ុកលក់ onlineរយះពេលមួយឆ្នាំកន្លះមកនេះ(ចាប់ផ្តើមលក់ដំបូងខែ12ឆ្នាំ2016) មិនមែនយកមក post អ៊ួតអីទេ តែចង់បង្ហាញប្រាប់ទៅដល់ប្អូនៗ រឺបងស្រីមួយចំនួនដែលគាត់ឆាតមកចង់ធ្វើតំណាងចែកចាយស្ករ Gluta G-Mazeរបស់អូន តែអូនសំគាល់ឃើញថា ភាគច្រើនពួកគាត់និយាយសំដីមួយឃ្លាដូចគ្នា គឺថា”ខ្ញុំអត់ធ្លាប់លក់ អត់ចេះលក់ទេ” ខ្លាចលក់មិនដាច់៕ល៕

ចង់ប្រាប់ទៅវិញថា គ្មានអ្នកណាកើតមកភ្លាមឆ្លាក់ពាក្យថា”ចេះ”ជាប់ពីលើក្បាលមកទេ ហើយក៏គ្មានអ្នកណាឆ្លាតជាងអ្នកណាប៉ុន្មានដែរ មានតែអ្នកដែលខ្ជិលនឹងអ្នកខំប្រឹងប្រែង… និយាយពីខ្ញុំខ្លួនឯងផ្ទាល់ អ្នកស្គាល់គ្រួសារខ្ញុំគាត់ដឹងហើយ អ្នកផ្ទះខ្ញុំទាំងខាងប៉ានឹងខាងម៉ាក់គឺអ្នកធ្វេីការរាជការទាំងអស់ អត់មានអ្នកណារកស៊ីអីមួយទេ មានតែខ្ញុំមួយហ្នឹងដែលទៅធ្វើការអោយគេអត់កេីត ព្រោះពេលធ្វើការលុយប្រាក់ខែ អត់រួចថ្លៃMakeup ស៊ីចុក សាំងឡានផងហ្នឹង… ចឹងក៏បែកគំនិតលក់ឡេលេងៗទៅ ព្រោះប្រើខ្លួនឯង ហេីយគេសួរច្រើនដែរពីផលិតផលខ្ញុំប្រើប្រាស់…

លក់ដំបូង ខ្ញុំចេះតែគិតលុយថ្លៃឥវ៉ាន់ហើយនឹងប្រាប់របៀបប្រើប្រាស់ប៉ុន្នឹងឯង… ក្បាលមួយតែឯងសុត គ្មានឪពុកម្ដាយជួយចង្អុលបង្ហាញផ្លូវ ជួយផ្ចុងផ្ដើម បោះទុនអោយរកអី ទេ ដូចនិយាយចឹងពួកគាត់អត់មានអ្នកណាដឹងរឿងរកស៊ីអីទេ… លក់តាំងពីកម្មុងឥវ៉ាន់មកលក់ម្តងៗអស់អត់ដល់300$ផង រហូតដល់ឥលូវ កម្មុងម្តងក្បែរម៉ឺនដុល្លារ…. និយាយអោយស្រួលយល់ គឺខ្ញុំកើតចេញពីចំនុចសូន្យមកតែម្តង រហូតមកដល់ចំណុចនេះ។

ទោះខ្ញុំមិនទាន់ធ្វើបានល្អ មិនទាន់ជោគជយ័ខ្លាំង តែយ៉ាងហោចណាស់ ខ្ញុំមិនដែលនឹកស្មានថាមានខ្ញុំមានថ្ងៃនេះទេ ថ្ងៃដែលមិនលារដៃសុំលុយប៉ាម៉ាក់ចាយ មិនរំអុកទារដូរឡាន មិនដាក់ខ្លួនជាបន្ទុកអោយពួកគាត់ ថ្ងៃដែលអាចឯករាជ្យលើខ្លួនឯងបាន… និយាយដូចហែកកេរ្តិខ្លួនឯងតិចចុះ កាលនៅរៀនលេខបាតតារាងរហូត គេចសាលាឡើងប្រធានថ្នាក់ខ្ជិលកត់អវត្តមាន….តាំងពីនៅតូច និយាយពីល្ងង់មហាសែនល្ងង់ រៀនមុខភ្លេចក្រោយ រៀនក្រោយភ្លេចមុខ ធ្វើកិច្ចការផ្ទះលើកណា ក៏ម៉ែវ៉ៃដែរ… តែឥលូវមើលក្នុងរូបថតខ្ញុំ post ខាងលើហ្នឹងទៅ ថាវាបែបម៉ិច??? នេះមើលតែរបស់បានហើយ ខ្ញុំខ្ជិលថត balance ក្នុងសៀវភៅធនាគារខ្ញុំអោយមើល កុំអោយវាអស់អាចម៍អស់នោមពេក តែចង់ប្រាប់ថាគិតត្រឹមដើមខែនេះ ក្បែរៗតា50kហ្នឹងឯង។ ហើយកុំនិយាយថា មកពីវាសនា រឺសំណាង… ខ្ញុំអត់បានដេកលក់សុខៗ មានទេវតាហោះយកឡេមកអោយលក់ទេ ហើយក៏មិនមែនម្ង៉ៃនៅតែស្ងៀមមានគេមកទិញដែរ post ឡើងគេ unfriend ចោលអស់ហើយ។

សរសេរ caption ពន្យល់គេចង់បែកគ្រាប់ភ្នែក មិនមែនមានអ្នកអោយcopyពីគេមកស្រាប់ៗទេណា… ឆាតឡើងស្អកករសឹងតែរាល់ថ្ងៃ បាយទឹកមិនដែលទៀងពេលផង…. គ្មានស្អីបានមកដោយស្រួលទេ… លក់ដំបូង មានអ្នកស្គាល់គ្នាគេរិះគន់ទៀតណ៎ ថាមុខមាត់ម៉ែឪប៉ុន្នឹងដែរ កូនអត់មានការងារអីធ្វើ ទៅលក់ឡេតាមonline…. តែអត់ខ្វល់ ម៉ាក់អូនប្រដៅថា របរអីក៏ដោយ អោយតែកុំឆក់ប្លន់គេ កុំបៀតបៀនអ្នកដ៏ទៃ កុំលក់កេរ្តិខ្មាស់ សុទ្ធតែជារបរត្រឹមត្រូវមិនថោកទាប។សរុបសេចក្តី បើខ្លួនយេីងគ្មានការតាំងចិត្តខ្លួនឯង ទោះចង់ជួយក៏មិនដឹងជួយពីណាទៅណាដែរ មិនទាន់សាកផងថាមិនកើតទៅហេីយ… ពេលមានឱកាសរវល់តែខ្លាច ដល់ពេលគេចាប់យកអស់ តាំងស្តាយក្រោយ… បើគេកូនអ្នកមាន ម៉ែឪសល់ទ្រព្យអោយវាល់លាន វាមានទៅស្អី មិនរកក៏មិនខ្វះចាយ… តែសំរាប់ខ្ញុំ ខ្ញុំចង់លើកទឹកចិត្តអោយយើងអាចរកចំណូលបានខ្លួនឯង ទោះតិចរឺច្រើន វាជាសមត្ថភាពយើងពិតប្រាកដ និយាយមែនពេលចេះរកលុយបានខ្លួនឯងទើបដឹងថាសប្បាយចិត្តខ្លាំងប៉ុន្នា គ្រប់កាក់គ្រប់សេន សុតតែមានតំលៃ៕»

តាមពិត ការបង្ហោះរបស់នារីរូបស្រស់ខាងលើនេះ មិនមានបំណងអួតទ្រព្យសម្បត្តិដែលខ្លួនមាននោះទេ គឺគ្រាន់តែចង់បង្ហាញផ្លូវថា មនុស្សត្រូវចេះបង្កើតឱកាស និងចាប់ឱកាស ព្រោះបើធ្វើការងារដដែលៗរាល់ថ្ងៃគ្មានអ្វីផ្លាស់ប្ដូរឡើយ។ មានតែការតស៊ូ និងមានគំនិតច្នៃប្រឌិត ចេះរកស៊ីប៉ុណ្ណោះ ទើបអាចនាំអនាគតភ្លឺស្វាង អាចមានទ្រព្យសម្បត្តិ ល្មមចាយគ្រាន់ រស់ស្រួលមិនពិបាកហត់នឿយទៅថ្ងៃក្រោយ៕