ភ្នំពេញ៖ យុវជនម្នាក់រពិសដៃ​ ហែកបំផ្លាញ​ស្លាក​គណបក្ស​ប្រជាជន​កម្ពុជា ត្រូវសមត្ថកិច្ច ចាប់ឃាត់ខ្លួនកាលពីនៅវេលា​ម៉ោង​ជិត១រសៀល ថ្ងៃទី១០ ខែមិថុនា ឆ្នាំ២០១៨នេះ នៅ​ចំណុច​គល់ស្ពាន​ឥ​ន្ធ​នូ ផ្លូវ​បាសាក់ ភូមិ១០ ក្រុម៥៩ សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ។ ​បន្ទាប់ពីរូបគេ​បាន​បំផ្លាញ​ស្លាក​សញ្ញា​គណបក្ស​ប្រជាជន​កម្ពុជា ដោយ​កាត់​រូប​សម្ដេច​តេ​ជោ ហ៊ុន សែន ចេញពី​ស្លាក​គណបក្ស គ្រា​ដែល​ការបោះឆ្នោត​ជិត​ចូលមក​ដល់។

ជនសង្ស័យ​មានឈ្មោះ សុខ ឧ​ត្ត​ម អាយុ២២ឆ្នាំ ស្នាក់​នៅផ្ទះ​គ្មាន​លេខ ផ្លូវ៦២៨ ភូមិ​ដើម​ព្រីង សង្កាត់​ច្បារអំពៅ២ ខណ្ឌ​ច្បារអំពៅ។ ក្រោយពី​សាកសួរ និង​ធ្វើ​តេ​ស្យ​ទឹកនោម​លើ​ជននេះ ជា​លទ្ធផល​រកឃើញថា រូបគេ​មាន​សារធាតុ​ញៀន នៅក្នុង​ខ្លួន៕ ដោយ៖ ស័ក្តិ