ខេត្តព្រះសីហនុ៖ កាលពីថ្ងៃទី០៩ ខែមិថុនា ឆ្នាំ២០១៨ សមត្ថកិច្ចជំនាញនគរបាលស្រុកព្រៃនប់ សហការជាមួយ នគរបាលប៉ុស្តិ៍ព្រៃនប់ ប៉ុស្តិ៍អូរឧកញ៉ាហេង ប៉ុស្តិ៍រាម និងប៉ុស្តិ៍បិតត្រាងបានចុះឃាត់ខ្លួនជនសង្ស័យម្នាក់ពីបទរំលោភសេពសន្ធវៈ។

ជនសង្ស័យឈ្មោះ​ សាក់ ឡា ភេទប្រុស អាយុ២០ឆ្នាំ ស្រុកកំណើតភូមិស្ទោង ឃុំចំណាលើ ស្រុកស្ទោង ខេត្តកំពង់ធំ មុខរបរកម្មករសំណង់នៅក្រុមហ៊ុនចិន ខាងកើតឃ្លាំងប្រេងភីធីធី ក្នុងមូលដ្ឋានរាម ស្ថិតក្នុងភូមិអុង ឃុំរាម ស្រុកព្រៃនប់ ខេត្តព្រះសីហនុ ដែលបានរំលោភជនរងគ្រោះឈ្មោះវ. ស.ម អាយុ១៦ឆ្នាំ មានស្រុកកំណើត ភូមិអំពិលព្រៃ ឃុំកោះសំពៅ ស្រុកពាមជ ខេត្តព្រៃវែង មុខរបរ កម្មករសំណង់ដូចគ្នា ដោយ រំលោភបានសម្រេច(ម្ដង)។ សមត្ថកិច្ចបានប្រាប់ឲ្យដឹងថា កាលពីវេលាម៉ោង ២២និង១០នាទី ថ្ងៃទី០៨ ខែមិថុនា ឆ្នាំ២០១៨ ជនសង្ស័យបានបបួលជនរងគ្រោះទឹកផឹកស៊ីនៅលើអាគាររបស់ក្រុមហ៊ុនចិន ដែលជាកន្លែងធ្វើការ ដោយជនរងគ្រោះមានគ្នាពីរនាក់ ហើយខាងជនសង្ស័យក៏មានគ្នាពីរនាក់ដូចគ្នា បន្ទាប់ពីផឹកស៊ីរួច ជនសង្ស័យនិងជនរងគ្រោះរៀងស្រវឹងដូចគ្នា ក្រោយមកជនសង្ស័យក៏បានគ្រាជនរងគ្រោះចូលទៅបន្ទប់ រួចចាប់រំលោភ ឯអ្នកផឹកស៊ីជាមួយ បានបែកគ្នា អស់ទៅ។ លុះដល់ថ្ងៃទី០៩ ជនរងគ្រោះក៏បានយករឿងនេះទៅប្រាប់ម្តាយ ហើយម្តាយជនរងគ្រោះក៏បានទៅដាក់ពាក្យបណ្តឹងតែម្តង៕ ប្រភព៖ ហេងលី