បាត់ដំបង៖ កម្លាំង​ជំនាញ​នគរបាល​ស្រុក​ភ្នំព្រឹក ដឹកនាំ​ដោយ​លោក​វរសេនីយ៍ទោ សុង សុភ័ក្ត្រ អធិការ​ស្រុក សហការ​ជាមួយ​កម្លាំង​ប៉ុស្តិ៍​ភ្នំព្រឹក បន្ទាប់ពី​មាន​បញ្ជា​ពី​ឧ​ត្ត​ម​សេនីយ៍​ទោ អ៊ុច សុខុន ស្នងការ​នគរបាល​ខេត្តបាត់ដំបង និង​មានការ​សម្របសម្រួល​ពី​លោក នួន សាន ព្រះរាជអាជ្ញា​ខេត្តបាត់ដំបង​ កាលពី​រសៀល​ថ្ងៃទី៨ ខែមិថុនា ឆ្នាំ២០១៨។

ជន​ល្មោភកាម​រូបនេះ ឈ្មោះ ឌី សា​វឿ​ត ហៅ​ទយ ភេទ​ប្រុស អាយុ៣៣ឆ្នាំ មុខរបរ​ជាង​ម៉ូតូ រស់នៅ​ភូមិ​ស្រឡៅ ឃុំ​ភ្នំព្រឹក ស្រុក​ភ្នំព្រឹក ខេត្តបាត់ដំបង។ ចំណែកក្មេងស្រីរងគ្រោះមានអាយុអាយុ១៣ឆ្នាំ បានសម្រេច​ចំនួន​ពីរដង ទើប​បែកការ​ដល់​ម្ដាយ​ក្មេងស្រី​រងគ្រោះ​ប្ដឹង​សមត្ថកិច្ច​ឲ្យ​ចាប់​ដាក់​ខ្នោះ។ បើតាមសម្តីរបស់ម្តាយជនរងគ្រោះ លោក​បានទទួល​ពាក្យបណ្តឹង​ពី​ម្តាយ​ក្មេងស្រី​រងគ្រោះ បាន​ប្តឹង​ពី​ជនសង្ស័យ​ខាងលើ នឹង​ត្រូវជា​កូនប្រសារ​ថា បាន​ចាប់រំលោភ​កូនស្រី​របស់គាត់ (ប្អូនថ្លៃ) អាយុ១៣ឆ្នាំ បានសម្រេច​ចំនួន២លើក លើក​ទី១នៅ​ថ្ងៃទី២១ ខែមេសា ឆ្នាំ២០១៧ និងលើក​ទី២នៅ​ថ្ងៃទី១៩ ខែមីនា ឆ្នាំ២០១៨ ។ ក្រោយពី​សមត្ថកិច្ច​យើង​ទទួលបាន​ពាក្យបណ្តឹង​ភ្លាម ទើប​ចុះទៅ​ឃាត់ខ្លួន​ជន​ល្មោភកាម​រូបនេះ កសាង​សំណុំរឿង​បញ្ជូនទៅ​សាលាដំបូង​ខេត្តបាត់ដំបង ដើម្បី​ចាត់ការ​តាម​នីតិវិធី​ច្បាប់៕ ដោយ៖ នាង