ទើបតែទិញរថយន្តថ្មីៗ នារីស្រស់ស្អាតម្នាក់ បើកច្រឡំផ្លូវបត់ចូលផ្ទះ ក៏ជ្រុលទៅ… - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ទើបតែទិញរថយន្តថ្មីៗ នារីស្រស់ស្អាតម្នាក់ បើកច្រឡំផ្លូវបត់ចូលផ្ទះ ក៏ជ្រុលទៅ…

ភ្នំពេញ ៖ កាលពីវេលាម៉ោង១១យប់ថ្ងៃទី១០ ខែមិថុនា ឆ្នាំ២០១៨ ត្រង់ចំណុចខាងមុខអាគារកំពុងជួសជុលមួយកន្លែង តាមបណ្តោយផ្លូវ២៧១ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ នារីស្រស់សោភាម្នាក់ បើកបររថយន្តស៊េរីទំនើបមួយគ្រឿងទើបនឹងទិញបានថ្មីៗ បើកច្រឡំផ្លូវបត់ចូលផ្ទះក៏បើកជ្រុលទៅធ្លាក់កង់ចូលមាត់ច្រកចំណតក្រោមដីរបស់អាគារកំពុងជួសជុលមួយកន្លែង តែមិនបង្កឲ្យមានរងការខូចខាតនោះទេ ។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញនារីរូបស្រស់ម្នាក់បើកបររថយន្តស៊េរីទំនើបមួយគ្រឿងម៉ាកឡង់គ្រីស័រ ពណ៌ស គ្មានស្លាកលេខ ធ្វើដំណើរតាមបណ្តោយផ្លូវ២៧១ ក្នុងទិសដៅពីលិចទៅកើត លុះមកដល់ចំណុចកើតហេតុរថយន្តខាងលើក៏រេចង្កូតទៅខាងស្តាំជ្រុលទៅធ្លាក់កង់ខាងមុខចំហៀងខាងឆ្វេង ចូលច្រកចូលចំណតក្រោមដីរបស់អាគារខាងលើ តែមិនបង្កឲ្យរងការខូចខាតនេះទេ ។

ប្រភពពីកន្លែងកើតហេតុបានបន្តទៀតថា បើតាមសម្តីរបស់នារីរងគ្រោះបានប្រាប់ថា រថយន្តរបស់នាងទើបតែនឹងទិញ ដោយសារតែជិះច្រឡំផ្លូវស្មានតែផ្លូវបត់ចូលផ្ទះរបស់នាង ទើបបង្កឲ្យមានករណីខាងលើនេះតែម្តង បន្ទាប់មកនារីរូបស្រស់ខាងលើក៏បានគេចខ្លួនចេញពីកន្លែងកើតហេតុបាត់ទៅ ។

នៅក្នុងពេលកើតហេតុក៏មានប្រជាពលរដ្ឋជាច្រើនមកជួយលើករថយន្តរបស់នាងយកមកលើវិញ។ ក្រោយពេលកើតហេតុសមត្ថកិច្ចមូលដ្ឋានក៏បានចុះមកដល់ចំណុចកើតហេតុ ហើយដោយសារតែរថយន្តមិនបង្កឲ្យមានការខូចខាតក៏ដូចជា គ្រោះថ្នាក់ដល់អ្នកដទៃសមត្ថកិច្ចក៏បានទាក់ទៅហៅម្ចាស់រថយន្ត ដើម្បីឲ្យមកមកធ្វើការស្ទូចយករថយន្តត្រឡប់ទៅវិញ ៕ ដោយ៖ សិន

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។