ភ្នំពេញៈ នៅយប់ថ្ងៃច័ន្ទ ថ្ងៃទី១១ ខែមិថុនា ឆ្នាំ២០១៨ វេលាម៉ោងប្រមាណ៨ និង៣០នាទី មានអគ្គីភ័យបំផ្លាញផ្ទះខ្មែរឥស្លាមមួយខ្នងនៅភូមិបឹងតាស្រី ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ។ អគ្គីភ័យឆេះផ្ទះមួយកន្លែងនេះ បង្កឡើងដោយផ្ទុះសេខ្សែភ្លើង ផ្ទះដែលត្រូវអគ្គីភ័យឆាបឆេះមានទំហំប្រមាណ ៦មx៩ម សង់អំពីឈើប្រក់ស័ង្កសី ឆេះស្ទើរតែទាំងស្រុង(៩០%) និងឆេះផ្ទះតៀមថ្មតូចនៅខាងក្រោយ១ទៀត។

គ្រួសាររងគ្រោះខាងលើមានសមាជិកទាំងអស់៨នាក់ ឪពុកឈ្មោះ សាន់ ម៉ាត់ឌត ចាស់ជរា ម្តាយឈ្មោះ ម៉ៃ មានជំងឺទឹកនោមផ្អែម ងងឹតភ្នែក មានកូន៦នាក់ ស្រី៥នាក់និងប្រុស១ម្នាក់ ។