មិនធម្មតា! ក្រោយពីចាប់ផ្សឹកភ្លាមៗ ចៅអធិការវត្តភ្នំបាក់លើ ហៅ អន្ទិល ស្រិល វណ្ណា នៅពេលនេះ ប្រជាពលរដ្ឋនៅតែជឿជាក់ និងនាំគ្នាទៅពឹងពាក់ ព្យាបាលជំងឺ និងរំដោះគ្រោះយ៉ាងច្រើនកុះករ..

ខេត្តបន្ទាយមានជ័យ ៖ ក្រោយការចាប់ផ្សឹកភ្លាមៗ ចៅអធិការវត្តភ្នំបាក់លើដ៏កក្រើក កាលពីថ្ងៃ៦ មិថុនា ក្រោយពីមានការបង្ហោះតាមហ្វេសប៊ុក និងមានការនាំខ្លួនក្រោយពេលតឺនុយស៊ីវិល នាំទៅស្នងការដ្ឋាននគរបាលខេត្តនោះ លោក ស្រិល វណ្ណា ត្រូវបានអនុញ្ញាតឱ្យត្រឡប់ទៅផ្ទះវិញ នៅវេលាម៉ោង៣រសៀលថ្ងៃទី៥ មិថុនា នៅភូមិដីឡូត៍ សង្កាត់ទឹកថ្លា ក្រុងសិរីសោភ័ណ ។

ទោះបីស្ថិតក្នុងភាពហ្មងសៅជីវិតដិតដាមនិងភាពអាម៉ាសសាសនាដោយការបៀតបៀនផ្លូវភេទមនុស្សស្រីទាំងខ្លួនជាមនុស្សមានសិល្ប៍អតីតចៅអធិការវត្តភ្នំបាក់លើអន្ទិត ស្រិល វណ្ណា ក៏ជាសង្ឃល្បីខាងមន្តអាគមអូមអាមព្យាបាលជំងឺ សង្គ្រោះមនុស្សមានទុក្ខវិបត្តិមួយចំហៀងនគរផងដែរ។

ខណៈសព្វថ្ងៃពលរដ្ឋនៅតែនាំគ្នារត់ទៅពឹងពាក់ឲ្យអន្ទឹតស្រិល វណ្ណាព្យាបាលជំងឺច្រើនដដែលដូចពាក្យចាស់លោកបានផ្តាំថា «វិជ្ជាជាទ្រព្យប្រើបានគ្រប់សព្វលើសទ្រព្យនានា»។

ជាក់ស្ដែងនៅលើបណ្ដាញសង្គមហ្វេសប៊ុករបស់អតីតសង្ឃរូបនេះក៏បង្ហាញនូវរូបភាពស្ដែងចេញពីសកម្មភាពប្រជាពលរដ្ឋសម្រុកមករកដើម្បីឲ្យព្យាបាលជំងឺនោះលោកក៏បង្ហាញរួមមកជាមួយសារលើកឡើងពិក្ដីស្រលាញ់របស់ប្រជាពលរដ្ឋផងដែថា«ថ្ងែនេះខ្ញុំព្រះករុណា ខ្ញុំបាទ បានទទួលមើលកជំងឺ ញោមញោមបានប្រហែល ៤០០អ្នកជាង សូមគុណពុកម៉ែ បងប្អូនទាំងអស់ ដែលនៅតែ ជំនឿរលើរូបខ្ញុំបាទ»។