ក្រុងតាខ្មៅៈ ថ្ងៃទី១១ ខែមិថុនា ឆ្នាំ២០១៨ ឃាត់ខ្លួនជនល្មើស២នាក់ ក្រោយពេលធ្វើសកម្មភាព ទាក់ឆ្កែ ប៉ះចំសមត្ថកិច្ច កំពុងល្បាតតាមភូមិសាស្រ្ត ហេតុកាណ៏មួយនេះ នៅចំណុចតាម ផ្លូវបេតុង ភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល។

ជនល្មើស២នាក់ខាងលើមានឈ្មោះ សុខ បូរ៉ាន់ ភេទប្រុស អាយុ៤២ឆ្នាំ មុខរបរ មិនពិតប្រាកដ (ឃាត់ខ្លួន)។ ២.ឈ្មោះហាំ សុឃា ភេទប្រុស អាយុ៣៤ឆ្នាំ មុខរបរមិនពិតប្រាកដ(ឃាត់ខ្លួន) អ្នកទាំង២នាក់ស្នាក់នៅផ្ទះជួលសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ។ វត្ថុតាងចាប់យក ម៉ូតូ១គ្រឿងម៉ាក Honda blade ពណ៌ខៀវលាយខ្មៅ ផ្លាកលេខ កណ្តាល 1S-4118 និងសត្វឆ្កែឈ្មោល ១ក្បាលងាប់ពណ៌ត្នោត.ទំពក់សម្រាប់ទាក់ឆ្កែ០១.ដែកថ្នាំងអំពៅប្រវែង ៣៤cm (១ទុកសម្រាប់វ៉ៃឆ្កែ).ការ៉ុងសម្រាប់ច្រកឆ្កែ០១។ នៅចំពោះមុខសមត្ថកិច្ចជនល្មើសបានឆ្លើយសារភាពថាពួកខ្លួនពិតជាបានធ្វើសកម្មភាពទាក់ឆ្កែរបស់ម្ចាស់គេ ប្រាកដមែន ដោយធ្លាប់ធ្វើសកម្មភាព ៣ដងរួចមកហើយ ចំពោះករណីនេះ សមត្ថកិច្ចបន្តចាត់ការតាមនីតិវិធី ។