ខេត្ត​ត្បូងឃ្មុំ ៖ បន្ទាប់ពីមានការជជែកវែកញែកអស់រយៈពេលយ៉ាងយូររួចមក ពេលនេះអ្នកទាំងពីរក៏បានត្រូវរ៉ូវគ្នាហើយនៅព្រឹកថ្ងៃ​ទី​១៤ ខែមិថុនា ដោយអ្នកទាំងពីរបានចែកម្នាក់ពាក់កណ្តាល (៥០ភាគរយម្នាក់) នេះបើតាមការឲ្យដឹងពីស្នងការដ្ឋាន​នគរបាល​ខេត្ត​ត្បូង​ឃ្មុំ ។

ភាគី​ទាំង​២​នាក់ មាន​ម្នាក់​ទី១.​ ឈ្មោះ សែន កា​ណា​ន់ ហៅ​តាន់ ភេទ​ប្រុស អាយុ​២៦​ឆ្នាំ និង​ម្នាក់​ទៀត​ទី២.ឈ្មោះ​និមល ។ បើតាមការឲ្យពីនគរបាល​ខេត្ត​ត្បូង​ឃ្មុំ បានឲ្យដឹងថា បុគ្គលិកបម្រើការនៅ​ខារ៉ាអូខេ​«​វិមាន​ទ្រព្យ​»២​នាក់នោះ បានត្រូវរ៉ូវគ្នាវិញហើយ ហើយក៏សម្រេចចែករង្វាន់ធំ​​រថយន្ត​ម៉ាក​Ford មួយគ្រឿង ដែល​មាន​តម្លៃ​ជាង​៤​ម៉ឺន​ដុល្លារ ពី​គម្រប​ដប​ទឹកតែ OISHI ម្នាក់ពាក់កណ្តាលផងដែរ។ បុរសទាំងពីរនាក់នោះក៏បានប្រាប់ឲ្យដឹងថា ពួកគាត់នឹងយកលុយដែលត្រូវរង្វាន់នោះ ទៅប្រកបមុខរបររកស៊ី ដើម្បីចិញ្ចឹមជីវិត៕ ដោយ៖ បន