(ភ្នំពេញ)៖ ​តារាចម្រៀង​រូប​សង្ហា សេម បានបង្ហាញ​អារម្មណ៍​រំភើប​ក្រោយ​បានឃើញ​មុខ​កូនស្រី​ដំបូង​របស់ខ្លួន​ដែល​ទើប​និង​ចាប់កំណើត​ កាលពីយប់ម្សិលមិញ។

ក្រោយពេលសម្រាលកូន គេសម្គាល់ឃើញថា ភរិយារបស់តារាសម្ដែងលោក សេម មានសុខភាពល្អរឹងមាំ ទឹកមុខស្រស់ថ្លា ឆ្លងទន្លេប្រកបដោយសុខភាព មិនមានបញ្ហាអ្វី ធ្វើឲ្យប៉ះពាល់ដល់សុខភាព នោះទេ។ ​អតីត​តារាចម្រៀង​ប្រចាំ​ផលិតកម្ម​M សេម បាន​បង្ហោះ​សារ​ដែលមាន​អត្ថន័យ ថា​« Welcome my daughter thx u my wife Kuy Kunthea for today គឹម សុវណ្ណ​មុនិ ១៣ ០៦ ១៨ ម៉ោង ១១:៥៥ នាទី​» ដែលមាន​អត្ថន័យ​ថា «​ស្វាគមន៍​កូនស្រី​របស់ខ្ញុំ អរគុណ​ភរិយា Kuy Kunthea សម្រាប់​ថ្ងៃនេះ គឹម សុវណ្ណ​មុនិ ១៣ ០៦ ១៨ ម៉ោង ១១:៥៥ នាទី »​។ ជាមួយគ្នានេះដែរ មហាជន និងជាពិសេសហ្វេនៗរបស់លោកជាច្រើន បានសម្ដែងការអបអរសាទរដល់ក្រុមគ្រួសារ របស់តារាចម្រៀងលោក សេម ដែលទទួលបានកូនស្រីដ៏គួរឲ្យស្រលាញ់ម្នាក់ ចូលមកកាន់គ្រួសារលោក ផងដែរ៕ ដោយ៖ និប ប្រភព៖ Moo Sam II